Prácticas en Mediación
Este curso comezará o 21 de abril e desenvolverase nas modalidades presencial e en liña.
Rosa Sánchez González-Dans, avogada en exercicio e Máster en Mediación, baixo a dirección de Inmaculada García Presas, profesora de Dereito Civil na Universidade da Coruña e profesora titora neste Centro Asociado, será a responsable de conducir a actividade formativa, "Prácticas en Mediación".
O curso exponse co obxectivo de abordar a Mediación a través de casos prácticos, utilizando técnicas de simulación e role-playing.
As datas previstas de celebración son o 21 e 28 de abril e o 5 de maio, sempre en xornada de tarde e nas modalidades en liña e presencial.
Aos longo das 25 horas lectivas, polas que se concederá 1 crédito ECTS e 2 créditos de libre configuración, traballaranse as técnicas e as distintas fases do proceso de Mediación en diferentes ámbitos, con métodos de participación dinámicos que contribúan a desempeñar a actividade mediadora con eficacia e profesionalidade.
---------------------------------------{}-------------------------------------
Síguenos en:
