Aula de Ferrol. Curso "Depresión e suicidio: factores de risco e tratamento baseado en mindfulness"
Os días 30 e 31 de marzo nas modalidades presencial, en liña e en diferido.
A aula Universitaria de Ferrol acollerá os días 30 e 31 de marzo o curso "Depresión e suicidio: factores de risco e tratamento baseado en mindfulness". Trátase dunha actividade que se impartirá nas modalidades presencial, en liña e en diferido e a súa realización, ao longo das 25 horas lectivas que comprende, certificarase con 1 crédito ECTS e 2 créditos de libre configuración.
O programa o curso divídese en dous bloques temáticos. A primeira sesión abordará a epidemiología da depresión e suicidio: fundamentos, teorías, estratexias de intervención e prevención ou instrumentos de avaliación de risco -entre outros contidos- e o segundo bloque temático fará unha aproximación á teoría e práctica da mindfulness.
Luís Fernández Ríos, doutor en Psicoloxía, profesor titular na Universidade de Santiago de Compostela e profesor titor na UNED A Coruña, será o responsable de dirixir o curso, que contará coa participación na docencia de Fernando Lino Vázquez González, doutor en Psicoloxía e profesor titular na Universidade de Santiago de Compostela.
Iniciouse o procedemento de solicitude de homologación da Academia Galega de Seguridade (AGASP) para este curso, de especial interese para membros das forzas e corpos de seguridade; Policía Nacional, Garda Civil, Policía Local e Policías Autonómicas.
---------------------------------------{}-------------------------------------
Síguenos en:
