Mediación en el ámbito familiar
Os días 11 e 18 de novembro na sede da Coruña.
A UNED da Coruña acolle o curso "Mediación no ámbito familiar" os días 11 e 18 de novembro. Será na sede da Coruña e está previsto que se poida seguir nas modalidades presencial e streaming.
A Mediación é un proceso de resolución de conflitos que permite ás partes implicadas, comunicarse evitando o litixio. O papel do mediador preséntase como facilitador durante o proceso, cuxa función é propiciar un espazo aberto de diálogo onde se poidan satisfacer as necesidades das partes involucradas, baixo as premisas de cooperación mutua e consenso.
Este curso ten como obxectivo fundamental proporcionar formación práctica para aquelas persoas que xa dispoñen dunha base teórica do proceso de Mediación. Durante as dúas sesións programadas presentaranse supostos prácticos tanto de Mediación familiar, con procesos xudiciais xa iniciados como mediacións extraxudiciais, dentro do ámbito familiar: separacións, divorcios, herdanzas e relaciones pais-fillos.
Rosa Sánchez González-Dans, avogada e mediadora, estará á fronte deste curso que dirixe Inmaculada García Presas, profesora de Dereito Civil na Universidade da Coruña e profesora titora do Centro Asociado. Esta actividade formativa enmárcase dentro da última edición do Ciclo de Mediación que desde hai varios anos, este Centro Asociado programa con carácter anual.
----------------------------{}---------------------------
Síguenos en:
