Plan de Acollida ao Alumno. Curso 2017/2018
Xornada de Benvida ao Centro Asociado UNED A Coruña.
A Xornada de Benvida ao Centro Asociado, programada para o vindeiro luns 2 de outubro a partir das 17:00 horas, exponse coa finalidade de presentar aos estudantes o Centro, a súa estrutura dentro do Campus Noroeste, os Servizos que se dispoñen, un achegamento á configuración tutorial -presencial e a distancia- así como dos cursos virtuais e outras ferramentas telemáticas.
Germán Carro Fernández, director do Centro Asociado e coordinador tecnolóxico, será o encargado de dar a benvida xunto con Ana Mónica Novo García, secretaria do Centro, coordinadora académica e do CUID.
Durante a xornada Paz Caxide Méndez e Mercedes Martínez Mouzo, persoal de administración e servizos da UNED A Coruña, ofrecerán un primeiro achegamento de todas as xestións e procedementos que poden tramitarse desde o Servizo de Secretaría.
No peche da sesión está prevista a participación de Carmen Delia García-Fuentes de la Fuente, coordinadora do Centro de Orientación, Información e Emprego (COIE) para falar desta unidade informativa e orientativa.
Trátase e unha actividade gratuíta, integrada dentro do Plan Anual de Acollida para o curso 2017/2018, que poderá seguirse de forma presencial na sede da Coruña, ou en liña.
----------------------------{}---------------------------
Síguenos en:
