A UNED, unha aposta segura

Máis de cinco mil alumnos matriculados no centro da Coruña confían nun sistema de ensino de calidade, que aposta polas novas tecnoloxías.

Dise dende distintos medios que en tempos de crise é época de rexeneración, época onde aflora a creatividade e onde a necesidade de formación se fai constante.

Os datos do resultado da matrícula cada curso académico avalan esta hipótese. Estes últimos anos foron cada vez máis alumnos os que confiaron e confían nesta universidade.

O incremento total do número de matriculados no centro asociado UNED A Coruña para este curso académico foi do 2%, a cifra ascende a 5.132 alumnos. Os máis de cinco mil alumnos están repartidos nos distintos estudos que ofrece o centro deste xeito:

• Graos: 4.081 alumnos
• Plans Vellos: 419 alumnos
• Curso de Acceso: 251 alumnos
• Posgrao/Máster: 166 alumnos
• CUID: 215 alumnos

Destes 5.132 alumnos, 3.133, o 61% xa se matricularan noutros cursos académicos e 1.999, o 39%, son alumnos de nova matriculación. Esto explica, en boa parte, o descenso xeral en todos os centros asociados do número de matrícula no curso de Acceso e en Plans Vellos.

E entre todos eles, 58 estudantes simultanean varias carreiras, onde a media está en 3 carreiras diferentes.

As carreiras máis demandadas para este curso son as mesmas que en cursos anteriores: Grao en Psicoloxía, disciplina na que cada curso os alumnos confían máis o seu futuro profesional, á vista dos datos xerais e Grao en Dereito.

O programa Sénior neste curso experimentou un ascenso importante no número de alumnos, de 163 no primeiro cuadrimestre do curso pasado, aumentou a 213, en total un 14%.

Actualmente encóntrase aberto o prazo de matrícula de Extensión Universitaria e Divulgación Cultural, dentro de Ensinanzas non reguladas, pero se se obserban as cifras do curso pasado como dato estimatorio, se reflicte un aumento do 35% fronte ao curso anterior, onde o número total de alumnos ascende 2.904.

Un novo curso académico é, sen lugar a dúbidas un desafío. Un novo compromiso con cada un dos alumnos onde se fai necesario conxugar calidade, rigor, accesibilidade, tecnoloxía, solvencia, resolución e eficacia. E dificultade. As novas esixencias universitarias son, en ocasións, grandes escollos a salvar, grandes desafíos.