338 quilos de axuda e xenerosidade para os máis necesitados
O presidente do Banco de Alimentos Rías Altas e a dirección do Centro Asociado, agradecen a participación na campaña de recollida de alimentos que se celebrou do 3 ao 14 de febreiro.
José Luis Castro-Acuña, presidente do Banco de Alimentos Rías Altas, agradeceu expresamente á dirección do Centro Asociado o desenvolvemento da campaña promovida en favor dos máis desfavorecidos, así como a todas as persoas que se achegaron a depositar alimentos.
Campaña que tivo lugar as dúas primeiras semanas de febreiro nas instalacións do Centro e onde se conseguiron un total de 338 quilos de alimentos.
En palabras de Castro-Acuña: "Quero agradecier o esforzo solidario por colaborar na medida das súas posibilidades a atenuar os problemas alimenticios de tantas persoas necesitadas como encontramos no noso ámbito. Xestos como o seu ennobrecen e dannos a todos a esperanza dunha sociedade futura máis solidaria e xusta."
Grazas a todos os que fixestes posibles estes 338 quilos de xenerosidade.
Web do Banco de Alimentos Rías Altas
