Entrega de diplomas

Os sénior da Coruña, aula de Rianxo, reciben por primeira vez o recoñecemento ao seu esforzo como alumnos UNED.

Alegría e emoción. Foron sentimentos que se viviron durante a intensa xornada do sábado no salón de actos nas instalacións do auditorio municipal do Concello de Rianxo. O seu rexedor, Adolfo Muiños, entregou os diplomas da materia de informática, correspondentes á superación do primeiro cuadrimestre deste curso. Muiños estivo flanqueado por Antón Vilariño, responsable do proxecto sénior en Rianxo, e Miguel Somoza, profesor de Historia da Educación na UNED, Madrid.

Todos os presentes sinalaron o éxito deste programa que permite a maiores de 55 anos, adquirir novas destrezas, desenvolverse en campos diferentes e pouco coñecidos ata o momento, aprender e adoptar novos coñecementos pero sobre todo, permite mellorar a calidade de vida de todos os alumnos que asisten regularmente ás actividades programadas.

Imaxe: Diario de Arousa