Clausurado o ciclo "Novas formas de entender a Cultura"

Ao redor de 80 participantes puideron asistir ás 7 conferencias que comprendía o ciclo completo.

Ana Mónica Novo García, secretaria do Centro Asociado, foi a encargada de clausurar de forma oficial o ciclo "Novas formas de entender a Cultura". Acompañada na mesa por Pedro Javier González, profesor titor da UNED na Coruña e responsable de impartir a última conferencia durante esa xornada: Martin Lutero e a arte; e por Elia Rodríguez Montero, delegada de alumnos da sección de Xeografía e Historia.

Este ciclo comezou o 19 de febreiro e desenvolveuse en 7 sesións de hora e media de duración. Actividade organizada pola delegación de estudantes, totalmente gratuíta e contou coa participación de 77 matriculados que asistiron, presencialmente, ás conferencias impartidas no salón de actos do Centro Asociado.

Alfredo Vigo Trasancos, catedrático de Historia da Arte na Universidade de Santiago de Compostela e profesor titor da UNED da Coruña, foi o responsable de abrir o ciclo, seguíronlle José César Llana Rodríguez, profesor titor do Centro UNED A Coruña, Israel Sanmartin Barros, profesor de Historia na Universidade de Santiago de Compostela e profesor titor do Centro Asociado, Juan David Díaz López, Licenciado en Historia da Arte e en Periodismo e bolseiro FPU do departamento de Historia da arte na Universidade de Santiago, Pablo Cobas Roca, investigador e conferenciante en espazo museísticos, Antonio Garrido Moreno, profesor de Historia da Arte na Universidade de Santiago e por último Pedro Javier González Rodríguez, profesor titor UNED A Coruña.

Imaxes dos conferenciantes.

Accede á páxina web do ciclo.