Plan de Acollida ao Alumno. Curso 2017/2018
Talleres "Coñece a túa Biblioteca".
O Plan de Acollida ao alumno da UNED A Coruña para este curso 2017/2018, integra dúas sesións dos Talleres "Coñece a túa Biblioteca".
Trátase de actividades prácticas onde se presentará o Servizo de Biblioteca e os recursos dispoñibles para os alumnos do Centro Asociado. Isabel Sánchez Carreira, responsable da Biblioteca e Antonio Nuñez Rodríguez, serán os encargados de realizar a presentación do Servizo.
Coñecer os servizos bibliotecarios, aprender a buscar e localizar información e documentación, saber como retirar, reservar e renovar libros, ou familiarizarse coa clasificación e ordenación dos fondos dispoñibles, son algúns dos obxectivos desta acción informativa. Así mesmo aprender á consultar os recursos electrónicos relacionados coas áreas de interese (bases de datos, revistas electrónicas, repositorios dixitais...) e acceder a diferentes recursos para a aprendizaxe: Cursos 0, OCkW, RefWorks, entre outros.
De interese, fundamentalmente a alumnos dos cursos de Acceso e de primeiros cursos de Grao, estas sesións son como un primeiro achegamento á Biblioteca como centro de recursos para a aprendizaxe, a través de exposicións que fomenten a interacción e participación das persoas asistentes. A intención é estimular a autonomía e independencia do alumnado á hora de afrontar os seus estudos na Universidade.
Estes talleres son de acceso libre e impartiranse unicamente de forma presencial. É necesario incribirse con anterioridade.
Taller "Coñece a túa Biblioteca" (1ª Edición)
- Data: 5 de outubro de 2017.
- Horario: de 19:00 a 20:00 horas.
- Modalidade: presencial.
- Lugar de celebración: Laboratorio de Informática II, sede A Coruña.
- Máis información e matrícula aquí.
Taller "Coñece a túa Biblioteca" (2ª Edición)
- Data: 27 de outubro de 2017.
- Horario: de 18:00 a 19:00 horas.
- Modalidade: presencial.
- Lugar de celebración: Laboratorio de Informática II, sede A Coruña.
- Máis información e matrícula aquí.
----------------------------{}---------------------------
Síguenos en:
