O Centro Asociado debe contar co suficiente número de persoal de administración e servizos para asegurar a consecución dos seus fins.
Para iso, os Centros Asociados elaboran, atendendo ás súas propias características, unha relación de postos de traballo (RPT). A súa aprobación e modificación corresponde á Xunta Reitora.
A provisión das prazas consideradas na RPT realízase a través de concurso-oposición de carácter público e atendendo aos principios de publicidade, igualdade, mérito e capacidade.
A relación do PAS coa Xunta Reitora é laboral e está suxeita, salvo determinadas situacións administrativas, a convenio laboral. No caso do Centro Asociado UNED-A Coruña, o convenio laboral de aplicación é o Convenio Colectivo do Persoal de Administración e Servizos da propia UNED (para consultalo pique aquí).
Por outra parte, por acordo da Xunta Reitora, o Centro Asociado pode contratar persoal eventual. A contratación de persoal eventual ten a finalidade de cubrir ausencias ou baixas laborais, reforzar o equipo en momentos de incremento da actividade administrativa, cubrir tarefas temporais ou casos similares.
Actualmente o Centro Asociado UNED-A Coruña non ten aberta ningunha convocatoria para a selección de persoal de administración e servizos.