Desde o Centro Asociado á UNED da Coruña propoñémosvos unha nova acción formativa e cultural para este verán.
Se che perdiches algunha das conferencias ou actividades gratuítas celebradas este curso 2020-21 no noso Centro, aproveita o verán para volver velas.
Con Rebobina coa UNED A Coruña, pódese seguir na modalidade en liña de diferido e poderás inscribirte nas actividades que queiras, entre o 16 de xuño e o 16 de setembro. Poderás velas cando queiras e como queiras.
Poñemos á túa disposición, de forma totalmente gratuíta, 16 actividades que, en total, agrupan 19 conferencias e 2 actos culturais.
Máis de 27 horas con información de interese en diferentes materias: Historia, Saúde, Xénero, Educación, Dereito, Economía, etc., abordando temas de actualidade. Poderás volver a ver todos os nosos ciclos temáticos: Bullying e prevención do acoso escolar, Memoria Democrática, Mércores de Historia, UNED A Coruña Emprende, Depende de ti: saúde e calidade de vida, 8M, etc.
Selecciona aquelas que che interesen e inscríbete gratis para acceder á información de cada actividade ás ligazóns de seguimento en diferido.
Esta iniciativa de Extensión Universitaria xurdida no noso Centro, ten como finalidade facilitar o acceso á formación e ao coñecemento á población en xeral sobre as diversas temáticas tratadas nas actividades realizadas no Centro Asociado á UNED da Coruña durante o curso 2020-21, para aquelas persoas que, por diferentes motivos, non puideron asistir nas datas de celebración. Deste xeito queremos favorecer a conciliación da vida laboral, persoal e familiar do noso alumnado, así como da poboación en xeral, a través do acceso eo coñecemento.
Bullying e prevención do acoso escolar
01 O Proxecto antibullying: Tresgallo-Bullying-Cero
02 Presentación do libro: “Acoso escolar: os graves perigos das redes sociais. Pautas de intervención” de Emilio Tresgallo
Memoria Democrática, a debate
03 O patrimonio do franquismo
04 A ditadura franquista: goberno ou xestión?
05 A Casa Cornide: presente e futuro
#MércoresDeHistoria na UNED A Coruña
06 De e desde Berenice: Elefantes, trogloditas e Blemnios no Mar Vermello
07 A participación do Noroeste nas dinámicas tecnolóxicas e culturais do Paleolítico superior Cantábrico
08 “Os xenerais da Ulla” Documental sobre o entroido dos xenerais na comarca do Ulla
#UNEDACoruña Emprende
09 Conta connosco! Aínda temos moito que ofrecerte
10 Recursos que ofrece o SAEE do Centro UNED A Coruña
11 Proxectos de emprego e vida no ámbito rural galego
12 Como atopar emprego sen ser ‘El Rubius’?
Depende de ti: saúde e calidade de vida. A importancia da doazón en pandemia
13 A doazón e o transplante de órganos
14 A importancia da doazón de sangue
15 A doazón e o transplante de medula ósea
Depende de ti: saúde e calidade de vida. #UNEDSaludable
16 Perda auditiva: a enfermidade que afectará ao 25% da poboación en 2050”
#COVID-19
17 As operacións das Forzas Armadas na loita contra a pandemia
#8M
18 Valorarse para amarse: cando o saber popular eloxia á muller
Dereito mercantil
19 Dereito Mercantil: Vertente práctica dentro da figura empresarial
Actos culturais
20 Acto de entrega de premios do V concurso universitario de curtametraxes relacionado coa doazón e o transplante de medula ósea 2019/20
21 Acto inaugural da Exposición Virtual "Prostitución. Un atentado contra os Dereitos Humanos"
Descarga o díptico informativo con tódalas actividades premendo aquí.
Seguimos online, seguimos contigo!
Máis información en:
-------------------------{}------------------------