O alumnado Sénior da UNED A Coruña da materia de "Música de Galicia" finalizou este curso académico cunha actuación moi especial.
O pasado 07 de xullo, o alumnado máis veterano do noso Centro, realizou unha actuación para as usuarias e usuarios do Centro de día de Abadín, facendo gala, unha vez máis, da solidariedade que lles caracteriza, especialmente neste ano tan marcado pola pandemia.
O concerto tivo lugar na chaira exterior e contou con todas as medidas de seguridade e prevención da COVID-19, coa finalidade de que tanto o noso alumnado, como os usuarios e usuarias, como o persoal do Centro de día de Abadín, puidesen gozar dunha xornada diferente e moi especial.
O tempo, ademais, acompañou esta xornada, favorecendo que tanto o titor como o alumnado Sénior da Coruña, puidesen desfrutar desta primeira actividade da aula de Música de Xermade- Gutiriz tras o inicio da pandemia.
Como sempre, o noso alumnado máis veterano é un exemplo de superación das adversidades e de motivación para o resto da comunidade universitaria, de quen estamos tremendamente orgullosos.
Coñece máis sobre a UNED Sénior da Coruña premendo aquí ou sobre outras actividades realizadas, consultando o Blogue deste programa premendo aquí.
Máis información en:
-------------------------{}------------------------
Síguenos en: