"A mitoloxía grega e o firmamento", era o título da conferencia impartida por Pedro Javier González Rodríguez, Profesor titor do centro asociado UNED na Coruña. A presentación correu a cargo de Olga Rodríguez Rodríguez, delegada de estudantes da sección de Educación e membro da Agrupación Astronómica en calidade de divulgador.
O próximo venres 14 de xuño ás 19:00 horas, completará esta actividade unha conferencia no Planetario da Coruña que tratará sobre a preparación da observación astronómica, baixo a responsabilidade de Marcos Pérez Maldonado, director Técnico da Casa das Ciencias da Coruña.
Finalizada a expresada conferencia, ás 22:30 horas os asistentes desprazaranse ao Monte da Zapateira para realizar unha observación astronómica. Para esta observación, os asistentes matriculados terán a oportunidade de escoitar as explicacións que tal efecto lles brindará Borja González Tosar, Máster en Astronomia e Astrofisica na Universidade Internacional Valenciana.
Estas charlas pertencen ao Ciclo de Actividades que organiza a Delegación de Alumnos do centro asociado en Coruña. De acceso gratuíto para todo aquel que estivese interesado, revelou o grande interese que público ten en temas mitolóxicos e astronómicos.
Para calquera cuestión relativa a esta noticia enviar un correo electrónico a comunicacion@a-coruna.uned.es