Alejandro Tiana Ferrer, Reitor da UNED
Tomou posesión nun acto solemne acompañado de José Ignacio Wert, ministro de Educación, Cultura e Deporte, Juan Gimeno Ullastres, Reitor saínte, e Cesar Alierta, presidente do Consello Social.
Alejandro Tiana Ferrer é, dende onte, o novo Reitor da Universidade Nacional de Educación a distancia.
Tomou posesión nun acto cargado de simbolismo e de emoción. A cita era ás 12:30 horas no salón de actos de humanidades, na cidade universitaria en Madrid. Salón que os membros da comunidade universitaria, anteriores reitores e autoridades, ocuparon para acompañar o novo Reitor neste día tan especial.
O ministro de Educación, Cultura e Deporte, José Ignacio Wert, presidiu e conduciu o acto. Tras as súas primeiras palabras de benvida, dió a palabra á secretaria xeral da UNED, Ana María Marcos del Cano, que procedeu á lectura do Real Decreto polo que se nomea a Alejandro Tiana, como Reitor da UNED.
Os momentos máis emotivos e simbólicos do acto solenmne sucedéronse a continuación, en primeiro lugar coa promesa do cargo do Reitor entrante e inmediatamente despois coa cesión do bastón de mando de mans do seu antecesor e Reitor saínte.
Xa na quenda de intervencións, Juan Gimeno quixo concentrar as súas palabras en agraceder a toda a comunidade universitaria e institucións, o apoio recibido antes de volver ás súas tarefas de docencia e investigación. "Nestes 8 anos aprendín moito. Volvo cargado de máis experiencia, máis coñecemento e máis sabedoría, grazas a todos eles".
Alejandro Tiana, quixo, nas súas primeiras palabras como Reitor, agradecer igualmente a toda a comunidade universitaria o apoio recibido. Tiana é o primeiro Reitor da UNED que provén o campo da Pedagoxía, ámbito ao que adicou 40 anos da súa vida profesional. Por este motivo quixo facer unha mención especial e homenaxe a Manuel Bartolomé Cossío, un referente en Pedagoxía e fonte de inspiración permanente.
Quixo, igualmente, recordar e resaltar os logros alcanzados polos Reitores anteriores, "poñendo o mellor de si mesmos en ao servizo á universidade".
Na última parte da súa intervención e antes de facer referencia á tripla misión universitaria de Ortega e Gasset, Alejandro Tiana refire que "neste momento temos que construír unha paisaxe de futuro, estamos obrigados a actuar. Todos somos necesarios".
José Ignacio Wert pechou a quenda de participacións. Desvelou ao auditorio a extraordinaria coincidencia nos lazos persoais que o unen, tanto ao Reitor entrante coma ao Reitor saínte.
Nunha alusión ao mandado de Juan Gimeno quixo recordar todo o traballo que supuxo para a transformación durante os 8 anos á adaptación da universidade ao Espazo Europeo de Educación Superior. Con ela súmase o esforzo na implementación da administración electrónica e a virtualización.
O reto para o Reitor entrante, Alejandro Tiana, en palabras do ministro de Educación, Cultura e Deporte "é converter unha universidade de último recurso nun centro de recursos para todo o sistema universitario español".
Para finalizar o solemne acto de toma de posesión, soou o Gaudemus Igitur.
Fotografías: Comunicación UNED
Para calquera cuestión relativa a esta noticia enviar un correo electrónico a comunicacion@a-coruna.uned.es
