"O estudante da UNED posúe unhas características concretas que o fan singular"

Carmen Delia García-Fuentes é profesora titora no centro asociado e coordinadora do Centro de Orientación, Información e Emprego (COIE).

Carmen Delia García-Fuentes de la Fuente é profesora na Universidade da Coruña, titora e coordinadora do Centro de Orientación, Información e Empleo(COIE) no centro asociado UNED-A Coruña.

Responsable dos cursos de Técnicas de Estudo que se celebran dende hai unha década no centro, formou un gran número de alumnos na arte do estudo. García-Fuentes imparte unha media de tres edicións en cada curso ao comezo do ano académico; dous na sede da Coruña e unha na sede de Ferrol.

P.- Carmen Delia, son xa moitos anos ensinando como estudar, en concreto unha carreira a distancia. Coméntanos que é búscano os alumnos matriculados nos teus cursos. Que perfil é o máis habitual?: estudantes que retoman estudos universitarios abandonados, mozos que buscan mellorar a súa técnica ou aqueles que necesitan optimizar tempo de estudo para compatibilizar universidade e traballo.

R.- "O perfil é precisamente o que me dis: aproximadamente 2/3 dos asistentes pertencen aos que empezan os seus estudos universitarios ou os retoman. O bloque restante constitúeno os que queren mellorar en eficacia e en rendemento académico. Existe tamén unha porción de estudantes que non son alumnos da UNED pero asisten porque alguén lles recomenda o curso T.E. ou veñen en compañía dun amigo ou familiar. En fin, a casuística é moi variada. "

P.- Son moitas edicións durante estes anos. Cantos alumnos calculas que pasaron polos teus cursos de Técnicas de Estudo?.

R.- "Podería saberse este dato polos arquivos pero digamos que arredor do millar, se contabilizamos dende a primeira edición. "

P.- Es profesora e coordinadora do COIE neste centro. Seguro que haberá moitos alumnos que descoñezan esta unidade, poderías dicirnos que servizos ofrece?. Pode acudir a el calquera alumno?, de que forma podería facelo?.

R.- "O COIE é o Centro de Orientación, Información e Emprego, servizo especializado en ofrecer información e orientación académica e profesional. Dende o COIE tamén se ofrecen os nosos servizos ao resto da comunidade universitaria e á rede empresarial, mantendo o obxectivo de ofrecer axuda para a integración académica e profesional dos estudantes. No profesional inclúense as Prácticas Extracurriculares en empresas e institucións e tamén a orientación para o emprego e inserción laboral.

Calquera estudante ou futuro estudante pode acudir ao COIE, é preferible que o faga logo de petición de cita. Na Web do Centro Asociado, www.acoruna.uned.es, na pestana "o teu centro", aparece "servicios"y aí está entre eles COIE. Vese tamén un formulario de consulta on line.

A atención presencial ten lugar os luns de 20:00 a 21:00 e os mércores de 19:00 a 21:00 horas no despacho COIE, terceira planta do Centro Asociado UNED a Coruña.

En calquera caso, o COIE está para atender aos compoñentes da Comunidade Universitaria UNED.

Respecto á formación dos alumnos, ademais dos Cursos de TE, véñense desenvolvendo accións formativas, xornadas e cursos de diferente duración: As Xornadas de Educación en colaboración cos alumnos e profesionais de Practicum e Prácticas Profesionais, vinculadas sobre todo a titulacións do ámbito educativo. As relacionadas co emprendimiento e as súas potencialidades que se lideran dende o SAEE, as Xornadas de Formación de Profesores en espírito emprendedor, entre outras moitas. "

P.- Cales son as consultas máis recorrentes que recibes como coordinadora do COIE, de orientación académica ou profesional e de emprego?.

R.- "Na actualidade, o que máis lle preocupa aos estudantes é ter claro os perfís competenciais das distintas carreiras co fin de realizar unha boa elección."

Ás veces preguntan polos índices de emprego segundo as especialidades, polas posibilidades de emprego noutros países da UE, polas condicións das bolsas, entre outras moitas peculiaridades.

Ata hai tres ou catro anos, á parte do asesoramento académico, nalgunhas ocasións revisaba o curriculum dos demandantes de emprego co fin de que resultase o máis axeitado posible. Agora, para o ámbito da creación de PEME, traballo autónomo, curriculum, etc..., se conta no Centro Asociado coa inestimable colaboración da SAEE, desta forma as demandas dos estudantes e postgraduados da UNED contan cun servicioque duplica o tempo de atención. "

P.- Á vista da evolución do escenario laboral durante os últimos anos, é de imaxinar que as necesidades e motivacións dos alumnos cambiasen. É realmente así?. Dito doutro modo, demanda o mesmo un alumno de cursos recentes que un alumno matriculado hai dez anos?.

R. "Producíronse algúns cambios, pero o estudante da UNED posúe unhas características concretas que lle fan singular. "