O Centro Asociado celebra a Apertura de Curso Académico
Durante o acto máis de 60 alumnos recibiron os seus diplomas de titulados.
Eran algo mais das 19:30 horas cando a comitiva atravesaba o salón de actos ao son que os compoñentes da coral "O Eco", interpretaban como signo de benvida aos presentes.
A vicereitora de Formación Permanente da UNED, Dª. María del Carmen García Alonso, cedeu a palabra a Dª. Ana Mónica Novo García, secretaria xeral do Centro Asociado. Novo comezou a súa intervención cunha emotiva mensaxe de condolencia aos familiares dun titor falecido durante este curso, e un alumno que lamentablemente viaxaba no accidente ferroviario de Angrois, Santiago, o 25 de xullo deste ano.
A secretaria xeral, fixo un resumo do acontecido durante o transcurso de curso pasado coa lectura da Memoria 2012/2013.
Finalizada a súa intervención, o encargado de impartir a lección inaugural este ano, o catedrático da Universidade de Santiago en Historia da Arte e profesor titor do Centro Asociado, D. Alfredo Vigo Trasancos, comezou a súa exposición: "Lectura e interpretación dunha obra de arte: a fachada do Obradoiro de la Catedral de Santigo".
Dª. Susana Blanco Miguélez, directora do centro universitario coruñés, encabezou a quenda de palabras, seguida por D. Enrique Salvador Sánchez, concelleiro de Medio e Sanidade do Concello da Coruña, fué o segundo en intervir, seguido de D. Antonio Cañás Varela, presidente do Padroado UNED A Coruña.
Finalizadas as intervencións, os compoñentes da mesa, fixeron entrega de diplomas aos máis de sesenta alumnos que finalizaron estudos superiores durante o pasado curso académico.
O momento máis solemne tivo lugar cando a vicereitora de Formación Permanente, tras unhas palabras ao aforamento, dió por inaugurado o presente curso académico 2013/2014.
Para pechar o acto, á coral polifónica interpretou o Gaudeamus Igitur e o Himno de Galicia.
