Escola de Xadrez UNED

Podes matricularte ata o 1 de decembro de 2013.

Que é a Escola de Xadrez da UNED?

Trátase dun curso completo e progresivo de xadrez. A atención é personalizada, con interacción continua entre alumno e monitor, con envío de exercicios por parte do monitor.

Desenvolve actividades de formación a distancia -por correspondencia e por correo electrónico- e promove entre os seus alumnos a participación en competicións de xadrez.

Como se estruturan os seus cursos?

Basicamente en tres niveis:

• Inicio. Alumnos con experiencia nula ou escasa
• Medio. Xogadores con experiencia en competicións oficiais
• Alto. Xogadores con ELO nacional ou internacional superior a 1900

Como saber de que nivel matricularse?

Antes de realizar a matrícula pódese consultar co coordinador da Escola onde matricularse, ou mesmo despois de facelo é posible cambiarse sen custo adicional.

Canto dura o curso?

Sete meses, do 1 de novembro ao 30 de maio.

Canto tempo de dedicación é necesario?

Considérase que é necesaria unha dedicación semanal de 5 horas.

Recoñecemento de Créditos

Recoñeceranse créditos pola superación dos niveis, a razón de 1 crédito ECTS por nivel superado. Un crédito ECTS equivale a dous de libre configuración.

Organización técnica da Escola de Xadrez

Coordinador-monitor: Juan Carlos Antón Veiga

Monitor-adestrador de nivel Superior: Anna Rudolf

Prazo de Inscrición

Prorrogado o prazo de matrícula ata o 1 de decembro de 2013.

Matrícula

Os alumnos matriculados en Ensinanzas Reguladas da UNED, deberán incluír unha fotocopia do documento do pagamento da súa matrícula.

Alumnos cunha minusvalía do 33% ou superior poderán acollerse ao desconto do 50% do curso só durante o primeiro ano e deberán achegar o documento que acredite tal condición.

Máis información AQUÍ.