O Centro Asociado na Coruña obtén unha certificación máis que avala a calidade nos seus servizos

Trátase do Proceso que garante o Sistema de Garantía Interna de Calidade nos Centros Asociados, SGIC-CA e que na actualidade, teñen moi poucos Centros.

O Centro Asociado obtén un novo certificado de calidade que avala a boa praxe na súa xestión.

Neste caso trátase dun modelo que desenvolve a Cátedra UNED Cidade de Tudela, á súa vez acreditada pola ANECA e que traballa en colaboración co Comité de Calidade dos Centros Asociados.

Este proceso forma parte do Plan de Calidade da UNED, sistema ratificado polo Consello de Goberno desta universidade.

Este recoñecemento vén a acreditar que o sistema implementar polo Centro Asociado na Coruña cumpre cos requisitos de aplicación do Sistema de Garantía Interna de Calidade. Conseguir unha maior calidade nos servizos e homoxeneizar a xestión de procesos na xestión, son dous dos obxectivos fundamentais neste proceso.

O reitor da UNED, manifestou o seu recoñecemento, "resultado do esforzo, da análise do servizo que presta, da reflexión dos puntos críticos e do esforzo de mellora".

Acceder ao Vídeo institucional desta noticia.