O Banco de Alimentos Rías Altas e a UNED-A Coruña colaboran nunha campaña solidaria
O 12 de febreiro impartirase unha charla informativa e do 3 ao 14 de febreiro, habilitaráse un espazo para a recollida de alimentos.
Durante o mes de febreiro o Centro Asociado inicia unha campaña de colaboración co Banco de Alimentos Rías Altas da Coruña.
A campaña consta de dúas accións. En primeiro lugar unha charla informativa de carácter gratuíto que se celebrará o mércores 12 de febreiro de 19:00 a 20:00 horas no salón de actos do Centro. Correrá A Cargo de César de la Fuente, voluntario do Banco de Alimentos Rías Altas abordará as seguintes cuestións:
- Que son os bancos de alimentos?
- Que é o Banco de Alimentos Rías Altas?
- Como funcionan?
- Cal é o seu labor?
- Quen é os seus beneficiarios?
- Como reparten a axuda social recibida?
- Como se financian?
- O papel fundamental do voluntariado na supervivencia da entidade.
O obxectivo principal é dar a coñecer á sociedade o labor desempeñado polos Bancos de Alimentos, en concreto a actividade desenvolvida polo Banco de Alimentos Rías Altas na provincia.
Máis información da charla na páxina web.
En segundo lugar a campaña desenvolve unha recollida de alimentos en beneficio dos máis desfavorecidos. Será do 3 ao 14 de febreiro e estará situada na cafetaría do edificio na planta baixa.
Aquelas persoas que o desexen poden colaborar achegando os seguintes alimentos non perecedoiros:
- Leite
- Galletas
- Cacao
- Café
- Azucre
- Sal
- Aceite
- Legumes
- Calquera tipo de conserva en lata
Un Banco de Alimentos é unha organización sen ánimo de lucro, recoñecida de forma oficial que desenvolve as súas actividades grazas ao traballo desinteresado de moitos voluntarios. O obxecto da súa constitución é conseguir alimentos a través de fondos de axuda europeos, operacións de quilo, excedentes de fabricación, fallos de empaquetado durante o proceso, etc... Alimentos en perfecto estado e condicións de consumo, co propósito final de distribuílo de forma gratuíta ás entidades benéficas.
O Banco de Alimentos Rías Altas ten dúas sedes de repartición na provincia: Coruña capital e Santiago de Compostela.
razas ao traballo de numerosos voluntarios que colaboran activamente e ás achegas de colaboradores, exerce un labor tan necesario como xeneroso. É principalmente nestes tempos de crise, cando a participación de todos é capital para axudar ás ao redor de 30.000 persoas -segundo os datos da F.A.O.- que atravesan unha situación de dificultade na provincia.
Accede á web do Banco de Alimentos Rías Altas.
Máis información no teléfono 981 14 50 51.
