Case trinta anos de probas presenciais na UNED-A Coruña

Persoal do Centro desvela o pasado e presente dos exames. A súa evolución.

As probas presenciais tocan o seu fin. Alivio para moitos, tortura para outros, peaxe necesaria para todos os que queiran chegar a meta e conseguir o seu título.

Durante as dúas semanas de desenvolvemento de probas presenciais é habitual ver moitos alumnos consultar os seus libros, ollar apuntamentos ou repasar a última hora na biblioteca e nos corredores, momentos previos ao rexistro e entrega de exame.

Son moitos os matriculados na UNED que cada curso pasan polo Centro Asociado para realizar o seu exame. Pero, cambiou moito o proceso de realización de probas no Centro dende os seus comezos, recén estreados os oitenta, ata a actualidade?.

Preguntamos ao persoal do Centro Asociado sobre este tema, bos coñecedores do sistema e evolución.

De que xeito evolucionou o desenvolvemento das probas presenciais dende a vosa perspectiva e como afecta ao voso labor?.

A evolución tecnolóxica na realización das probas presenciais ou o papel da absoluta informatización, foi o denominador común na maior parte de respostas, "aínda que en substancia o labor de apoio asignado ao PAS apenas cambiou" comenta un dos traballadores.

Acerca desta informatización do proceso, Mercedes Martínez Mouzo comenta: "Nos primeiros anos os exames recibíanse en sobres, nas valixas, fotocopiábanse nos Centros para repartir os alumnos e as cualificacións esperábanse impacientemente no domicilio, para recibilas por correo. Dende hai uns anos este proceso axilizouse co novo sistema de valixa virtual, -engade- e agora con pasar o carné do alumno, podemos imprimir directamente o exame e asignarlle o lugar na aula para a súa realización. Posteriormente unha vez finalizado, escanearse o exame. Coa valixa axilízase o sistema de corrección por parte do profesorado do Departamento, co cal as cualificacións se reciben moito antes, e o servizo alumnos e profesorado é máis doado co novo sistema".

María Paz Caxide Méndez aborda a cuestión de acreditación da asistencia ao exame do alumno. "A custodia que nos correspondía facer dos resgardos que acreditaban a asistencia, pasou xa á historia. Os folios para a realización das probas, no encabezamento e ao pé, ademais de encher o alumno os seus datos persoais; materia, día e hora, levaban serigrafiado o número de impreso. A parte inferior da folla, -comenta- que constituía o resgardo de exame, quedaba en poder da Secretaría permitíndonos, a posteriori, atender as necesidades que os alumnos podían ter para certificar a asistencia a efectos profesionais, académicos, etc.

Actualmente,-engade- a informatización deste proceso, fai posible que de modo inmediato, o buscador da aplicación nos facilite a mesma e mesmo máis información. Sen ocupar espazo físico, sen necesidade de ordenar alfabeticamente por apelido, día, titulación... Las vantaxes son enormes.

Nas primeiras probas presenciais deste curso académico incorpórase un novo avance: cada estudante pode obter o certificado de asistencia a través da web de retorno de exames"

Outra cuestión de suma importancia en período de exames é a petición de realización de exames de alumnos doutros Centros. Algo que un alumno UNED pode facer logo da solicitude. "Evolucionou moito; -dinos Moncha Rey Faraldo- dende o ano 1999 que empecei a traballar no Centro, na Secretaría, un dos labores que máis xestionabamos durante as semanas de probas presenciais eran as peticións de exame de alumnos doutros Centros. Cada unha tiña que acompañarse dunha instancia dirixida ao director, era un intercambio de instancias do director do Centro de orixe e o Centro de destino. Cartas que se enviaban por fax, procesábanse na base de datos do Centro e se archivaban...y non eran poucas.

Agora seguimos recepcionar peticións de alumnos doutros Centros para examinarse neste -engade-, pero dende que todo está informatizado, os datos de todos os alumnos están nunha valixa virtual e o noso traballo nese terreo reduciuse, pero fóronse engadindo outros labores, como por exemplo estar no posto de control de entrada aos exames, recepción de correos electrónicos de sede central informando dalgunha errata nos mesmos e que temos que trasladar ao Tribunal....Todo vai cambiando coas novas tecnologías...y o noso traballo tamén. "

En que mellorou o sistema de probas dende os inicios do centro asociado?.

"Mellorou moito, -responde Moncha Rey-, foi evolucionando porque as tecnoloxías te obrigan a iso. Coa era internet todo cambiou, o papel quedou relegado a un segundo plano, e se antes os exames chegaban en sobres, se fotocopiaban e se entregaban chamando a viva voz a todos os alumnos que se examinaban en cada materia, agora, co sistema de valixa virtual, cada alumno ten o seu exame informatizado, imprímese automaticamente unha vez que o devandito alumno pasa o seu carné polo control de entrada. A mesma aplicación de valixa ten asignados os espazos a ocupar por cada un dentro da aula, e están colocados de forma que non hai dous alumnos xuntos examinándose da mesma materia, co cal tamén se reduce o persoal necesario para a vixilancia e control -engade-. O tempo tamén está estipulado de antemán: hai que "fichar" entrada e saída, así tampouco hai demoras na entrega. Foron melloras considerables tanto para o alumno coma para o persoal."

"Todo moi organizado e facilita o traballo, axilizouse o sistema e a corrección das probas pódese realizar moi rápido", comenta Mercedes Martínez.

Opinión compartida por Paz Caxide, "para nós supuxo unha grande axuda dado que está todo moi ordenado e organizado, facilitando o traballo coa lectura de entrada e impresión de exame, e vemos como o alumnado que dende o primeiro momento viu como funciona, xa controla e está preparado para a entrada e entrega do seu exame."

Non obstante Manuel Serantes Pérez non comparte a mesma impresión positiva de mellora fronte das súas compañeiras: "ao meu modo de ver non mellorou. Antes enviábanse todos os exames en carpetas precintadas, e había a seguridade de que o exame podería realizarse sí ou sí, o tíñamolo fisicamente. Aínda que a valixa adoita funcionar, deu fallos en ocasións e atrasou o acceso ás aulas de exame, ademais doutra serie de problemas informáticos.

Hai anos -comenta- sede central enviaba todas a láminas das materias de Xeografía e Historia, de Historia e de Historia da Arte. Agora non envían nada, co que hai que estar pendente continuamente da impresión das láminas na fotocopiadora central, imprimilas en cor, subilas a exame e buscar o alumno, que xa está co seu exame sentado na aula. Para a sede central evidentemente é un avance e aforro. Para os Centros Asociados, un obstáculo e un incremento no gasto (papel, toner, cartuchos...)"

Que demandas máis habituais dos alumnos debedes resolver durante os exames?. Esta demanda, variou nos últimos anos?.

"Os alumnos de nova incorporación necesitan coñecer e adaptarse á mecánica das probas presenciais da UNED. En canto á eventual elección de data -primeira e segunda semana- ou á posibilidade de acollerse ao exame de reserva. Estas cuestións son as que máis problemas suscitan. A necesidade de fichar e de fixarse en que aula e pupitre deben sentarse son aspectos máis anecdóticos e intranscendentes", -coméntanos un dos traballadores.

Manuel Serantes incide sobre o procedemento. "Basicamente, a antelación na que hai que estar no centro, onde están situadas as aulas de exames, e a confirmación do horario dos exames. Igualmente a pregunta máis habitual nos neoUned, é a aclaración das dúas semanas de exame. Se se pode vir ás dúas, se se pode elixir a semana, e confusión nos exames reserva. Cren que poden ir a reserva, en moitos casos, como opción... "

Mercedes Martínez, Mocha Rey e Paz Caxide son unánimes na resposta: "calendario coas datas das probas presenciais, como realizar o carné de alumno, onde se realizalas, aulas ou que poden levar ás mismas.Certificado de ter asistido -engaden- ou petición de realizar o exame neste Centro."

"Tamén noutros variou e mellorado moito a xestión para a obtención do carné de estudante, -apostila Paz Caxide- a propia aplicación dispón de cámara fotográfica, evitando así ter que traer foto e para poder examinarse unha simple comunicación vía correo electrónico é suficiente. "

Segundo a vosa experiencia e valorando todo o proceso de probas presenciais, que suxestións de mellora trasladariades aos organizadores en sede central?.

"Paréceme un sistema bastante evolucionado e bastante eficaz, todo moi controlado. Non deixa marxe a moito erro", responde Moncha Rey.

Mercedes Martínez apunta: "corrixir e pasar as cualificacións dos alumnos moito antes. Hai departamentos nos que apenas se notou a evolución das novas tecnoloxías á hora de reducir o tempo de corrección e cualificación."

"Sistema híbrido; antigo con novo -comenta Manuel Serantes-. Ao meu modo de ver deberían enviar un orixinal de cada exame, en caso de conflito informático ou imposibilidade nas comunicacións -teléfonos comunicando, fax que non se envían ou reciben, etc... -, ter a posibilidade sempre da realización de todo exame en tempo e forma. Continuar enviando as láminas de Arte como facían anteriormente, pois así pódenselle dar ao alumno no momento no que accede á aula co exame, e non hai que andar buscándoo posteriormente dentro da aula e molestalo unicamente para entregarlle a lámina."

"A satisfacción dos alumnos indica que se están a dar os pasos na boa dirección", -afirma un traballador do centro a xeito de resumo-.

Durante estes anos, houbo algunha anédocta curiosa que queirades contar?.

"Unha que se repite é a do alumno que dubida cando lle preguntas a materia da que vén a examinarse...: os nervios... ", comenta un compañeiro.

Paz Caxide menciona unha das situacións máis frecuentes a xeito de anédocta: "a concorrencia a exame de alumnos que por despiste, comparecen sín carné de alumno e nin o seu DNI -situación que imposibilita totalmente presentarse ao exame pois carecen de identidade-. Dispoñer na Secretaría do Centro da ficha de datos do alumno, evitou máis dun susto. Ante estas situacións, por parte dos alumnos sucédense expresións de alivio e agradecemento. Pola nosa, a satisfacción de poder prestar axuda co noso traballo."

"Alumnos que acudían á Aula de Ferrol onde non realízanse exames, alumnos que utilizaron cascos de audio na aula, marchar co exame, e ao outro día volver e indicar que lle caera ao tribunal, exames en carnaval e aparecer ás probas disfrazados...". Todo un anecdotario de parte de Mercedes Martínez.

Hai alumnos que veñen eternamente con abrigo sexa verán ou invierno...los que se leva ou exame e logo ou meten por debaixo dá porta dá aula...." - coméntanos Moncha Rey.

Manuel Serantes desvela non seu haber de anécdotas: "membros de Tribunal falando co teléfono móbil dentro dá aula e son vos propios alumnos que lle piden por favor, que non falasen e que ou apaguen, ao igual que lles obrigan a telos apagados a eles."