O Plan de Acollida programado para este curso 2014/2015, finalizará en breve coa última das actividades aínda activas; Matemáticas para todos.
Este plan está formado por accións formativas e informativas, dirixidas aos novos alumnos co obxectivo principal de facilitarlle o proceso de transición, integración ou continuación á vida universitaria. Para que dende o primeiro día de clase, poidan optimizar todos os recursos que están ao seu alcance.
Este curso académico o resultado da análise deste programa, é o seguinte:
Un total de 465 matriculados, participaron nestas xornadas e sesións. Delas, 29 fixérono dende a Aula de Ferrol para as formacións de Técnicas de Estudo e Apoio Tecnolóxico. 12 persoas matriculadas, tiveron a oportunidade de seguir unha das sesións; Coñeces a Facultade de Económicas, en formato online, o resto de matriculados fixérono de forma presencial. Por último, o 78 por cento do número total de matriculados, tiveron acceso a actividades gratuítas.
Como reforzo a este abano de sesións formativas, dende o Campus Noroeste realizouse a IV Xornada de Plan de Apoio Tecnometodológico. Actividade que contou coa participación de Ana Mónica Novo García, secretaria xeral do Centro Asociado e coordinadora académica, María Díaz de Robles, responsable do SAEE e coordinandora de Extensión Universitaria e Óscar Cabeza Gras, profesor titor do Centro e coordinador Tecnológico.