Co obxectivo de modernizar as comunicacións dos estudantes, a UNED actualmente traballa no proceso de migración dos correos electrónicos de alumnos e exalumnos á solución Office 365 de Microsoft. Un total de 1.200.000 contas, (delas, 200.000 corresponden a estudantes actuais), verán melloradas as funcionalidades; 50 Gigas de capacidade fronte aos 10Megas anteriores, servizo de almacenamento de arquivos con espazo ilimitado na nube grazas ao servizo OneDrive, mensaxería instantánea e todas as ferramentas de Office Online, tales como Word, Excel, Power Point e OneNote.
A nova plataforma garante máis e mellor dispoñibilidade e flexibilidade en calquera lugar e dispositivo; aforro de custos grazas á desaparición do hardware e maior usabilidade ao tratarse dun ámbito moito máis intuitivo.
Durante os traballos deste proceso de migración tratarase de conservar toda a información almacenada.
Os estudantes con matrícula activa poderán gozar de todas as novas funcionalidades neste servizo, ás cales se irán incorporando novidades das que serán informados puntualmente. Os exalumnos, pola súa banda, verán mellorado o seu servizo de correo electrónico.