Dentro do Plan de Acollida ao Alumno UNED A Coruña, está prevista a celebración dunha Xornada Informativa ao redor dos estudos oficiais de Grao. O obxectivo desta sesión é dar a coñecer a todos os alumnos novos de Grao as características da UNED, os Servizos do Centro e a metodoloxía específica desta Universidade.
Será o vindeiro martes, 4 de outubro, a partir das 16:30 horas, na sede da Coruña e poderase seguir por streaming ou desde a sede da UNED na Coruña.
O programa fixado para esta actividade iniciarase cunha presentación da UNED, o Centro Asociado e os Servizos que o conforman, o Campus Noroeste, o funcionamento das titorías e o desenvolvemento dos recursos tecnolóxicos como ferramenta de traballo.
Expoñerase toda a oferta de plans de estudos; materias e a súa metodoloxía; a súa correcta planificación, prácticas extracurriculares e curriculares, así como a correcta formalización de matrícula e o procedemento de solicitude de bolsas.
Á fronte desta acción informativa estarán Germán Carro Fernández, director e coordinador tecnolóxico do Centro Asociado, Ana Mónica Novo García, secretaria xeral e coordinadora académica da UNED A Coruña, Carmen Delia García Fuentes de la Fuente, coordinadora do Centro de Orientación, Información e Empleio (COIE) e profesora titora Centro universitario e María Díaz de Robles Badía, profesora titora e coordinadora de Extensión Universitaria da UNED A Coruña.
----------------------------{}---------------------------
Síguenos en: