O salón de actos do Centro Asociado acollerá o próximo 26 de xaneiro a partir das 18:30 horas, unha nova sesión do ciclo: "A creación literaria e os seus autores: Encontros con escritores", o autor convidado nesta ocasión será Óscar Esquivias.
Nacido en Burgos o 28 de xuño de 1972, Esquivias é licenciado en Filosofía e Letras pola Universidade de Burgos. Fundou e dirixiu Calamar (1999-2002), revista dedicada á creación literaria. Autor de numerosos relatos, poemas e artigos, recibiu o premio "Letras Novas de Castela e León" nas edicións correspondentes aos anos 1990, 1995 e 1997, con motivo da autoría de gran número de contos.
Está considerado como un valor firme na narrativa contemporánea deste país. Á marxe de manobras mediáticas, o seu posicionamento está enfocado no escritor, fronte ao personaxe.
Durante a sesión, que estará presentada por Javier Pintor, farase un percorrido pola traxectoria do autor, que avala textos baixo o formato narrativo, ensaios, relatos e penetrouse igualmente na literatura infantil e xuvenil. Comentarase con detemento e precisión algúns dos seus libros publicados, na súa maioría na editorial coruñesa de Edicións do Vento.
Esta actividade está organizada polo Centro de Formación e Recursos da Coruña, en colaboración co Centro Asociado. Poderase seguir de forma presencial ou a través de videoconferencia.
----------------------------{}---------------------------
Síguenos en: