Antonio Amado Lorenzo, profesor na Escola Técnica Superior de Arquitectura da Universidade da Coruña, abordará, a partir da transcrición da última entrevista realiza a Le Corbusier no ano 1965, a obra deste autor.
Durante a celebración desta sesión, prevista para o próximo 13 de decembro a partir das 19:00 horas, o conferenciante ofrecerá un visonado documental e con posterioridade, unha presentación expositiva.
Adiantado ao seu tempo. singular visionario e un dos máximos expoñentes e a arquitectura moderna, o legado e obra de Le Corbusier marcou o traballo a xeracións posteriores. O autor, que traballou os campos da pintura mesmo a escritura, definiuse por defender -de maneira incansable- a posibilidade de cambiar o mundo a través da arquitectura.
María Josefa Loira Rodríguez, profesora titora nos Graos de Xeografía e Historia e Historia da Arte no Centro Asociado UNED A Coruña, é a encargada de dirixir esta actividade de acceso libre que se poderá seguir nas modalidades presencial, en liña e en diferido.
Síguenos en: