Un dos problemas fundamentais da hipoacusia -xordeira- nos nenos, é a dificultade na evolución e desenvolvemento da linguaxe. A necesidade dunha detección temperá facilita unha rápida aplicación do tratamento e un uso moito máis áxil e efectivo de ferramentas de traballo habituais na recuperación no neno. O impacto desta abordaxe precoz, facilita unha melloría na súa aprendizaxe, no progreso da linguaxe e nas relacións sociais.
Ana Isabel Vázquez Lojo, terapeuta ocupacional e educadora infantil, é a presidenta Consello de Colexios de Logopedas de España e a responsable de impartir esta charla informativa "A xordeira e a súa implicación na linguaxe do neno xordo", que ten, entre outros obxectivos, o de dar a coñecer os métodos empregados para habilitar ou rehabilitar aos nenos, así como o elementos de apoio no seu proceso de comunicación.
A charla, que se celebrará na sede da UNED A Coruña o 14 de xuño a partir das 19:00 horas nas modalidades presencial e en liña, conta coa colaboración da Fundación Escoita.
Esta actividade é gratuíta. Os interesados en matricularse deben rexistrase a través da plaforma.
----------------------------{}---------------------------