Crónicas indumentarias: aproximación á interpretación das indumentarias medievais
Charla gratuíta sobre a vestimenta medieval en Europa impartida por Ana Álvarez Veira. Pódese seguir en modalidade presencial ou a través de internet por streaming directo.
O xoves 13 de decembro ás 19:00 h celebrarase na sede da Coruña a conferencia "Crónicas indumentarias: aproximación á interpretación das indumentarias medievais". A actividade está dirixida por María J. Loira Enríquez, profesora-titora dos grados en Xeografía e Historia e Historia da Arte no Centro da Coruña e será impartida por Ana Álvarez Veira, profesora titulada de Deseño de Moda e Técnico Superior en Ilustración e Artes Plásticas.
A través de datos históricos e gráficos do vestir na Idade Media en Europa, introducirase á o público presente na importancia da información sobre indumentaria como variable histórica, xa que o obxectivo principal desta conferencia é o concienciar ao alumnado sobre os datos que achega a indumentaria (así como o ser plasmada para a posteridade) á hora de interpretar historicamente esta época.
A asistencia está aberta a calquera persoa interesada na temática, aínda que pode resultar de especial interese para estudantes dos graos e másteres en Xeografía e Historia, Historia da arte, Antropoloxía Social e Cultural, etc. É necesaria a inscrición previa e pode seguirse tanto en modalidade presencial como por Internet en directo a través de streaming.
Ana Álvarez Veira, ademais de investigadora de Historia do Traxe é alumna do Grao en Historia da arte no Centro UNED da Coruña. Conta cunha ampla experiencia profesional neste ámbito, tanto como profesora de Deseño de Moda e Complementos na Escola de Técnicas Industriais da Moda da Coruña e Vigo, do mesmo xeito que como docente e coordinadora das áreas de Deseño, Historia do Traxe e Técnicas Gráficas.
Pódeste inscribir de balde na actividade aquí.
Máis información na Secretaría do Centro: 981145051 ou info@a-coruna.uned.es.
--------------------------------------{}-------------------------------------
Síguenos en:
