Aberto o prazo de admisión para segundo cuadrimestre
Para estudantes de Grao e de determinados Posgraos Oficiais que cumpran as condicións específicas. Proba Libre de Acceso para Maiores de 25 e 45 anos, do 1 ao 18 de febreiro
O luns 28 de xaneiro ábrese o proceso de admisión para estudos de Grao na UNED, paso previo necesario nalgúns casos para optar á matrícula do Segundo Cuadrimestre que terá lugar entre o 5 de febreiro e o 7 de marzo. Este período está habilitado para estudos de Grao e algúns títulos de Posgrao Oficial, a súa aprobación depende anualmente do órgano pertinente e está suxeita a unhas condicións establecidas na normativa de matriculación da universidade. Igualmente, do 1 ao 18 de febreiro poderanse matricular os estudantes que queiran realizar a Proba Libre de Acceso para Maiores de 25 e 45 anos e do 12 de febreiro ao 9 de maio poderase solicitar a realización das Probas de Competencia Específica (PCE) relativas á acreditación UNED Assis para estudantes internacionais e para a Avaliación do Acceso de universitarios do sistema educativo español no estranxeiro e pertencentes ao CIDEAD. A matrícula realízase online.
Graos Oficiais
Poderán matricularse en todos os Graos Oficiais aqueles estudantes que non o fixeron antes nos estudos aos que queiran acceder. Tamén poderán ampliar matrícula os estudantes novos dunha titulación que se matricularon previamente dun mínimo de 36 créditos ou dun mínimo de 30 créditos os que xa se atoparán cursándoo. Por último, poderán matricularse aqueles alumnos que, aínda que non cumpran os créditos mínimos que marca a normativa, réstelles para concluír o seu Plan de Estudos só dúas materias cuadrimestrais ou unha anual, ademais do Traballo Fin de Grao.
Quedan excluídas deste proceso as materias con prácticas curriculares, as anuais ou de Primeiro Cuadrimestre e os Traballos ou Proxectos Fin de Grao, salvo excepcións.
Másteres Oficiais
Poderanse matricular neste período aqueles estudantes que se matricularon no primeiro período dun mínimo de 20 créditos e os que non cumpran o requisito anterior, pero réstenlles unicamente dúas materias do Segundo Cuadrimestre para concluír o plan de estudos, ademais do Traballo Fin de Máster. Igualmente, poderán matricularse os alumnos que foron preadmitidos no primeiro período. Nestes dous últimos casos será necesaria a autorización da Comisión Coordinadora do Máster.
Quedan excluídos os Másteres Universitarios en Acceso á Avogacía, en Acceso a Procura, en Formación do Profesorado de Educación Secundaria, Bacharelato, Formación Profesional e Ensino de Idiomas, en Facenda Pública e Administración Financeira e Tributaria e en Psicoloxía Xeral Sanitaria.
En canto á matrícula da materia Traballo Fin de Máster, estará condicionada á aprobación por parte do Coordinador do Grao correspondente.
Prácticas experimentais
Polas súas características especiais, a matriculación destas materias só estará dispoñible durante o mes de febreiro.
Centros Penais
Os estudantes acollidos ao Programa de Estudos Universitarios en Centros Penais poderán ampliar a súa matrícula durante este prazo. No seu caso, poderán consultar as condicións económicas e académicas para esta ampliación na páxina do Programa de Centros Penais.
Máis información en:
- Secretaría do C.A. UNED A Coruña (rúa Educación 3 -15011 A Coruña), no teléfono: 981 14 50 51 ou no correo electrónico: info@a-coruna.uned.es
- Secretaría da Aula UNED de Ferrol (rúa María, 54 - 15402 Ferrol) no teléfono: 981 36 40 26 ou no correo electrónico: info@ferrol.uned.es
Síguenos en:
