CUID: Aberto o prazo de matriculación para as probas ACLES de certificación de idiomas
Para os niveis B1 e B2 de francés e alemán e B1, B2 e C1 de inglés
O Centro Universitario de Idiomas Dixital e a Distancia (CUID) da UNED abriu o prazo de matrícula para todos aqueles que queiran certificar o seu nivel B1, B2 e C1 de inglés e B1 e B2 de francés ou alemán.
Desde 2016, o CUID é socio de ACLES e, por tanto, centro acreditado para a realización de exames con certificación CertaAcles.
Trátase dunha convocatoria única na que participarán ao redor de 50 Centros Asociados; neses centros, aos que poderá optar o estudante unha vez que realice a matrícula, desenvolveranse os exames escritos e orais de forma presencial os días 3, 4 e 5 de xuño. Poderase matricular nesta oferta académica toda persoa de nacionalidade española ou estranxeira que cumprise os 16 anos, sen necesidade de posuír titulación académica algunha. Desde o CUID informan de que, en función da demanda recibida, estudarán a posibilidade de abrir unha nova convocatoria en setembro.
Co obxectivo de facilitar a preparación das probas ACLES, o CUID organizou unha serie de talleres ACLES en liña para os niveis que se poden certificar. Neles, analizarase e describirase a estrutura, os contidos do exame e practicaranse os diferentes compoñentes do mesmo. Ao tratarse dun taller de preparación e non dun curso formativo, non se realizarán exames; con todo, o estudante poderá optar a un certificado de realización. Os talleres terán unha duración de catro semanas, e realizaranse na primavera, pouco antes dos exames.
O prezo oficial da convocatoria é de 100€, aínda que os estudantes do CUID matriculados no curso vixente (fóra dos alumnos do taller de preparación) poderán beneficiarse dun 75 por cento de redución na tarifa.
Os exames CertAcles do CUID avalían o nivel de competencia lingüística nunha lingua seguindo o Marco Europeo de Referencia para as Linguas. Constan de dous partes, unha oral (con dúas probas na que se valoran a súa Comprensión Auditiva e Expresión e Interacción Oral) e outra escrita (con dúas probas, Comprensión Lectora/Uso da Lingua e Expresión Escrita).
Accede aquí á información completa
Máis información en:
- Secretaría do C.A. UNED A Coruña (rúa Educación 3 -15011 A Coruña), no teléfono: 981 14 50 51 ou no correo electrónico: info@a-coruna.uned.es
- Secretaría da Aula UNED de Ferrol (rúa María, 54 - 15402 Ferrol) no teléfono: 981 36 40 26 ou no correo electrónico: info@ferrol.uned.es
-------------------------------{}-------------------------------
------------------------()-----------------------
Síguenos en:
