O Centro UNED A Coruña participará nas "XXVII Xornadas de orientación universitaria e profesional: Ti elixes!"
O venres 05 de abril o COIE do Centro participará na Mesa informativa de Universidades
As "Xornadas de orientación universitaria e profesional: Ti elixes!", organizadas polo Concello da Coruña, "están dirixidas ao alumnado de 4º de ESO, FP e Bacharelato que desexe coñecer os ciclos formativos e estudos superiores de deseño que se imparten na cidade, así como os estudos universitarios da comunidade autónoma galega."
Como parte das catro universidades públicas presentes na comunidade, o Centro da Coruña participará na XXVII edición destas importantes xornadas para informar as persoas interesadas sobre a oferta de estudos da UNED e as vantaxes que ofrece para o seu alumnado. O COIE da Coruña será o encargado informar ás e os estudantes sobre os distintos graos, másteres, idiomas, etc., que poden cursar nesta Universidade, así como das oportunidades e comodidades que ofrece o estudo a distancia, especialmente debido ás vantaxes tecnolóxicas que brinda o sistema de educación online da UNED.
A semana do 1 ao 5 de abril está dedicada integramente aos estudos universitarios e, o Centro Asociado da Coruña participará xunto ás Universidades da Coruña (UDC), Santiago (USC) e Vigo (UVI), na mesa de presentación de universidades, que se celebrará o venres 05 de abril ás 19:00h no Centro Universitario de Riazor (CUR).
Podes consultar ou descargarche o tríptico informativo aquí.
Máis información en:
- - COIE A Coruña (consulta o horario de atención aquí), no teléfono 981 145015 ou no correo electrónico: coie@a-coruna.uned.es
- - Secretaría do C.A. UNED A Coruña (r/ Educación 3 -15011 A Coruña), no teléfono: 981 14 50 51 ou no correo electrónico: info@a-coruna.uned.es
- - Secretaría da Aula UNED de Ferrol (r/ María, 54 - 15402 Ferrol) no teléfono: 981 36 40 26 ou no correo electrónico: info@ferrol.uned.es
Síguenos en:
