II Feira de Emprego do Centro UNED A Coruña
Actividade gratuíta que terá lugar o 12 de xuño durante todo o día e haberá stands de empresas, charlas formativas e presentacións. Como novidade, esta edición contará cunha xornada dedicada aos colexios profesionais e as charlas poderanse seguir en streaming directo
>>Video presentación da II Feira de Emprego UNED A Coruña<<
Motivacións
- - A Feira de Emprego do Centro UNED da Coruña preséntase como unha oportunidade de contacto do noso alumnado co tecido empresarial da cidade. Trátase dun encontro estudante-empresa para promover e impulsar a necesaria transición entre o proceso de formación e a inmediata inserción no mercado laboral; unha xornada de networking onde poder acurtar a distancia entre as posibilidades de emprego dos recentemente titulados e a necesidade de captación de profesionais cualificados na contorna máis inmediata.
- - En Xeral, queremos que la II Feira de Emprego sexa unha xornada de información ao alumnado o máis completa posible, dando a coñecer as distintas posibilidades en emprego, profesionalización e inserción laboral que teñen á súa disposición na súa contorna.
Novidades
Debido ao éxito da I Feira de Emprego celebrada en 2018, nesta II edición ampliamos os recursos ao dispor do alumnado:
- - Increméntase a presenza de empresas e o horario de celebración, engadindo unha quenda de tarde dedicado aos Colexios Profesionais e á orientación profesional do alumnado, o que supón unha oportunidade para que os colexios profesionais da nosa contorna poidan informar sobre as vantaxes e servizos que ofrece a colexiación.
- - Haberá un stand do COIE (Centro de Orientación, Información i Emprego) do Centro UNED A Coruña, con información sobre os másteres e programas de especialización que se poden cursar na UNED.
- - Amplíanse os obradoiros formativos coas presentacións breves dos Colexios Profesionais na quenda de tarde.
- - Nesta edición, o alumnado poderá seguir todos os talleres e presentacións en modalidade presencial e online (a través da emisión en directo).
Obxectivos
- - Asesorar aos estudantes na procura de emprego desde diferentes puntos de vista.
- - Fomentar a inserción laboral dos recentemente titulados/as do Centro UNED da Coruña.
- - Proporcionar ao alumnado da UNED da Coruña un espazo de información sobre as posibilidades de emprego cualificado na súa contorna máis inmediata.
- - Crear un espazo de colaboración entre as empresas da Coruña e o alumnado da UNED do Centro.
- - Mostrar ás empresas da cidade da Coruña o potencial profesional do alumnado do Centro.
Programa
MESAS INFORMATIVAS
Lugar: hall del Centro
- Quenda de mañá: Empresas
Desde as 10:00 horas ata as 13:30 h estarán aloxadas no hall diferentes empresas e institucións para informar ás persoas asistentes sobre as ofertas laborais e procesos de selección. As empresas expositoras ofrecerán información específica sobre as posibilidades de emprego nos diferentes sectores, así como sobre os programas de formación, prácticas e/ou bolsas que poidan ter estas empresas, e que poden resultar de especial interese para o alumnado que aínda non completou a súa formación.
Empresas participantes (provisional):
- - Forzas Armadas. Subdelegación de Defensa da Coruña
- - Seguros OCASO
- - Europe Direct - Deputación da Coruña.
- - LN Consultores.
- - Grupo TEMPORING.
- - SOFTTEK.
- - Fundación Equipo Humano.
- Quenda de tarde: Colexios Profesionais
Desde as 16:30 horas ata as 20:00 h estarán aloxados no hall diferentes colexios profesionais para informar sobre a colexiación, vantaxes e oportunidades de profesionalización.
Tamén haberá unha mesa informativa do COIE sobre másteres e programas de especialización da UNED de interese para o alumnado do Centro UNED da Coruña. Así, amplíase a información profesional ao noso alumnado poñendo á súa disposición distintos recursos para que, deste xeito, teñan un maior acceso a diferentes áreas relacionadas cos seus estudos e co inicio da súa carreira laboral.
Colexios Profesionais participantes:
- - Colexio de Economistas de A Coruña .
- - Colexio de Educadores i Educadoras Sociais de Galicia (CEESG)
- - Colexio Oficial de Traballo Social de Galicia (COTSG)
- - Colexio Oficial de Psicoloxía de Galicia (COPGalicia)
- - Ilustre Colexio Profesional de Procuradores da Coruña (ICP Coruña - CEPROC)
TALLERES FORMATIVOS
Lugar: Salón de Actos
Todas as charlas e presentacións pódense seguir tamén online (streaming directo) para que o alumnado que non poida acudir ao Centro poida informarse igualmente e acceder aos contidos que se mostrarán durante as exposicións orais.
- Quenda de mañana: Charlas e talleres
Desde as 10:30 horas ata as 13:30 h realizaranse charlas e talleres breves de diferentes organismos e institucións especializadas en formación e emprego. A finalidade das exposicións orais é asesorar ao alumnado na procura de emprego desde diferentes puntos de vista, orientarlles acerca da realidade laboral da contorna e dar a coñecer as opcións de prácticas, formación e bolsas tanto nacionais como no estranxeiro .
- Centro Municipal de Emprego do Concello da Coruña.
- Europa Direct – Diputación da Coruña
- Fundación Galicia Europa
- Confederación de Empresarios da Coruña
- Quenda de tarde: Presentacións
Desde as 16:30 horas ata as 20:00h realizaranse presentacións breves nas que os Colexios Profesionais presentes nos que darán a coñecer o seu traballo, así como as oportunidades profesionais e as vantaxes formativas que ofrece a colexiación.
Nesta quenda de presentacións tamén participará o Ilustre Colexio Provincial de Avogados da Coruña (ICACOR).
Data e localización
- O mércores 12 de xuño de 2019, a partir das 10:00 horas na sede do Centro Asociado UNED A Coruña.
Participación
- Para participar nesta actividade é necesaria a inscrición a través da matrícula on-line. Recoméndase ao alumnado interesado que traia consigo un Currículo Vitae, así como toda a documentación que poida ser de interese para as empresas expositoras.
Inscrición
- Gratuíta, a través deste enlace.
>>I Feira de Emprego UNED A Coruña (2018): accede aquí á presentación<<
Máis información en:
- Secretaría do C.A. UNED A Coruña (rúa Educación 3 -15011 A Coruña), no teléfono: 981 14 50 51 ou no correo electrónico: info@a-coruna.uned.es
- Secretaría da Aula UNED de Ferrol (rúa María, 54 - 15402 Ferrol), no teléfono: 981 36 40 26 ou no correo electrónico: info@ferrol.uned.es
Síguenos en:
