"Asilo e refuxio en Estranxeiría"
A Aula de Ferrol acollerá este curso os días 15 e 16 de decembro.
Durante os últimos anos puidemos coñecer acontecementos relativos ás ondas de inmigración en toda Europa de forma que os termos refuxiado, asilo e inmigrante estendéronse -en moitas ocasións- de forma errónea no imaxinario público. Este curso, tratará de arroxar luz e abordar a contextualización e a aplicación da lexislación actual nas persoas solicitantes de asilo ou protección subsidiaria.
O curso "Asilo e refuxio en Estranxeiría", desenvolverase durante as tardes do 15 e 16 de decembro nas modalidades presencial, desde a aula da UNED de Ferrol, e para todos aqueles alumnos que non poidan trasladarse á Aula, en streaming -directo desde calquera dispositivo con acceso a internet- e en diferido. Está solicitado 1 crédito ECTS e 2 créditos de libre configuración.
O programa do curso profundará ao redor de antececentes normativos, históricos, o nacemento do sistema mundial de asilo ou protección internacional e o seu tratamento na Unión Europea e en España así como os posibles grupos vulnerables: conflitos armados, menores, trata e xénero, entre outras cuestións.
Esta actividade formativa está dirixida a estudantes de Dereito, Criminología, Psicoloxía, membros dos Corpos e Forzas de Seguridade e a calquera persoa interesada no tema.
Elena Maison Díaz da Rocha, licenciada en Dereito e experta en cooperación ao desenvolvemento, e Carlos Villar Arévalo, licenciado en Dereito e especialista en Dereito de Estranxeiría e Migracións, serán os responsables de impartir a doncencia, baixo a dirección de Inmaculada García Presas, profesora de Dereito Civil na Universidade da Coruña e profesora titora centro UNED A Coruña.
----------------------------{}---------------------------
Síguenos en:
