Biblioteca UNED A Coruña. Día do Libro 2019
Participa na elaboración do mosaico deste ano, ¿que nos recomendas ler? Prazo ata o 22 de abril
Desde a Biblioteca do Centro Asociado á UNED da Coruña queremos confeccionar entre toda a comunidade universitaria (alumnado, profesorado titor e persoal de administración e servizos) un mosaico de libros para celebrar o Día do Libro 2019.
Somos unha comunidade universitaria plural e diversa e queremos recoller a paixón pola lectura e compartila.
Recomenda un libro e dinos por que o escolliches. Con todas as aportacións confeccionaremos un mosaico de libros que compartiremos con toda a comunidade universitaria. Son moitos os libros que nos gustan, e aínda que poida ser difícil, escolle e recomenda un!
Se queres participar nesta iniciativa, envía un correo electrónico coa túa recomendación a biblioteca@a-coruna.uned.es. Pode ser un libro de poesía, novela, teatro, ensaio, arte, cómic, etc.
Ademais, entre todas as persoas participantes sortearemos un lote de dous libros de literatura contemporánea.
Tes de prazo para enviar a túa recomendación ata o día 22 de abril.
Anímate a participar!
Máis información en Biblioteca UNED A Coruña (rúa Educación, 3 – 15011 – A Coruña), no teléfono: 981 14 55 60 ou no correo electrónico: biblioteca@a-coruna.uned.es
-------------------------------{}-------------------------------
Síguenos en:
