Comezan as charlas informativas nos centros de ensino secundario
Germán Carro, director do Centro Asociado, Mariña Calvo, delegada de alumnos e Jonathan Lema, alumno UNED, se desplaron ao IES Fernándo Wirtz Suárez.
Dentro das accións programadas -con carácter anual- desde o Centro Asociado UNED A Coruña para dar a coñecer esta universidade; o seu alcance adémico e oferta de estudos, inclúense as visitas informativas aos centros de ensino secundario.
O director do Centro Asociado, Germán Carro, é o encargado de levar o Centro Asociado a estes puntos de encontro con mozos aos que ao longo deste curso, tócalles a nada fácil tarefa de elixir que estudos superiores van cursar e que percorrido profesional van iniciar. O encontro de onte era no IES Fernando Wirtz Suárez.
"Durante a charla de onte houbo unha primeira parte na que expuxen as características diferenciadoras da UNED fronte ás universidades presenciais, cuestión que preguntan con frencuencia. Desenvolvín cada unha delas: a omisión de numeros clausus, a flexibilidade de elección e matrícula de materias de calquera curso do Grao sen a esixencia de mínimo de créditos obrigatorios, ou a non menos importante plasticidade horaria -grazas aos medios telemáticos e presenciais que a UNED pon a disposión do alumno- garante dunha óptima organización da vida universitaria, en convivencia con responsabilidades laborais ou familiares. Ao longo do encontro referinme a outra cuestión nada baladí: a ausencia de nota de corte para a elección e acceso a Graos Oficiais, singularidade que permite unha maior e mellor elección de estudos, acorde coas preferencias persoais".
Durante a reunión, o director do Centro Asociado estivo acompañado de Mariña Calvo Durán, actual delegada do Centro e delegada da Sección de Dereito e delegada nacional do este Grao, xunto con Jonathan Lema Touriñán, alumno que ostentou a delegación de distintas seccións durante os últimos cursos. "Mariña comentou a súa experiencia persoal como alumna na UNED e a súa experiencia como delegada nos distintos estamentos de representación estudantil que representa. Jonathan falou da súa experiencia tanto na universidade presencial como na UNED; resaltou a importancia da flexibilidade horaria para unha boa organización académica e como importante particularidade para estudar o que sempre quixo - comentaba Carro-".
A charla finalizaba coas respostas do director do Centro Asociado ás moitas preguntas dos alumnos deste centro de ensino secundario e relatando unha pequena parte do anecdotaro como alumno UNED.
----------------------------{}---------------------------
Síguenos en:
