Consulta as túas notas a través do móbil
Esta nova aplicación, estará activa para a convocatoria de febreiro deste curso.
A UNED, co obxecto de mellorar e axilizar o proceso de consulta de cualificacións, desenvolveu unha aplicación para móbiles que permite consultar as cualificacións das materias nas que o alumno estivo matriculado nos dous últimos cursos. Os responsables deste novo servizo son INTECCA (Innovación e Desenvolvemento Tecnolóxico dos Centros Asociados), o CTU (Centro de Tecnoloxía da UNED) e o CEMAV (Centro de Medios Audiovisuais).
Está nova APP ofrecerá información dos datos do docente que corrixiu o exame, poderase acceder aos comentarios, se fose o caso, que o profesor acompañase xunto coa cualificación. No caso de exames tipo test, a aplicación facilita a plantilla coas solucións, mostrando os acertos e os erros.
Despois de cada convocatoria de exames, pódense recibir notificacións automáticas en canto haxa novas cualificacións dispoñibles.
Esta nova aplicación estará activa para as cualificacións da convocatoria de febreiro deste curso. Para a súa instalación é necesario autenticarse como alumno en Campus UNED. Esta gratuíta e pódese encontrar tanto en Android como en IOS.
Contacto:
Secretaría sede A Coruña
981 14 50 51
info@a-coruna.uned.es
Secretaría Aula Ferrol
981 36 40 26
info@ferrol.uned.es
------------------------~()~-----------------------
Síguenos en:
