A aprendizaxe dos valores sociais a través dos superheroes
Curso do 26 de abril ao 10 de maio, e estará orientado a proporcionar aos docentes de ESO e Bacharelato, ferramentas para a transmisión de contidos sociais.
A UNED de Coruña acollerá, do 26 de abril ao 10 de maio, o curso de extensión universitaria "Formación en valores sociais a través do Cómic book de superheroes", orientado a proporcionar ós docentes ferramentas para a trasmisión de contidos sociais ao alumnado de ESO e Bacharelato, para iso utilizará como guías aos principais heroes do cómic.
O curso será impartido polo doutor en Xeografía e Historia, Jesús J. Blanco Rosas, xornalista, docente e experto en cómics, unha temática que desenvolveu a través de experiencias radiofónicas, como o programa "A Viñeta Falada", ou realizando críticas das novidades editoriais en publicacións especializadas. Poderá seguirse de forma presencial ou vía streaming.
"A primeira parella gai con superpoderes, o protagonismo dos heroes afroamericanos nos universos Marvel e DC desde os anos 70, o afianzamento das heroínas cunha personalidade independente e liberal, paladines en favor da Ecoloxía, heroes que se rebelan contra a desigualdade e a pobreza... Estes son só algúns dos insólitos contidos cos que se atoparán os alumnos que se matriculen no curso, coméntanos Blanco Rosas.
"A idea que move esta iniciativa é cubrir o baleiro actual que presenta a impartición de contidos sociais nas aulas, proporcionar aos profesores interesados ferramentas que lles permitan desenvolver estes temas nas aulas e facelo ademais de forma divertida para a mocidade, -afirma do doutor Jesús Branco- unha temática que desenvolveu a través de experiencias radiofónicas, como o programa "A Viñeta Falada", ou realizando críticas das novidades editoriais en publicacións especializadas".
A través das viñetas dos principais personaxes do cómic, como Spiderman, Batman, Superman, os 4 Fantásticos ou os X Men, abordaranse temas sociais como a contracultura, a ecoloxía, o feminismo e a violencia de xénero, a desigualdade e a pobreza, a diversidade sexual ou a corrupción política e económica. Todo iso tomando como referencia secuencias de cómic nas que os populares superheroes, abordan directamente estas cuestións.
"Marvel e DC son na actualidade un reflexo fiel do mundo actual, o seu público é adolescente e por iso as historias adáptanse ao modo de vida da mocidade que consome eses produtos" -asegura o docente-.
A formulación do curso pretende ser áxil e moi participativo, de modo que o alumnado non terá tempo de aburrirse. As clases teóricas estarán abertas en todo momento ao debate e a crítica, tentado recoller as opinións de cada un dos temas sociais desde diversos puntos de vista e expoéndo tamén a maneira máis adecuada de transmitir estes contidos aos mozos desde unha perspectiva docente. Os alumnos converteranse ademais en actores de radioteatro, pois un dos principais exercicios do curso consistirá en dramatizar coas súas voces, secuencias de cómics nas que se recolle un contido ou unha problemática social relacionada cos contidos que se impartirán.
------------------------~()~-----------------------
Síguenos en:
