"Son recentemente graduada en Historia da Arte pola UNED. Técnico Superior en Axentes de Viaxes e Especialista en Museología.
Obtiven unha bolsa de colaboración da Biblioteca na UNED da Coruña durante un curso académico.Traballei durante un tempo na empresa privada, e hai uns meses, realicei prácticas no Museo de Arte Contemporánea (MAC), da Coruña.
Fun representante de estudantes da sección de Xeografía e Historia desde o 2009 ata as pasadas eleccións, e dous anos representante de estudantes de Centro Asociado. Tempo no que organicei numerosas actividades de Extensión Universitaria neste Centro: visitas guiadas, conferencias, seminarios ...
Actualmente non traballo.
Tento ampliar e completar a miña formación con cursos e idiomas como francés, inglés e o portugués".
Por que decidiches realizar un Grao na UNED?
"Ao principio non tiña moi claro se realizalo online ou presencial. Estivera dous anos estudando en Segovia e ao volver atopábame cun "non saber que facer". Finalmente decanteime pola UNED pola posibilidade de compaxinar os meus estudos co mundo laboral, persoal e familiar.
Cales foron os obxectivos iniciais cando te matriculaches por primeira vez? Persoais ou profesionais?
"Ambas as cousas, tanto persoais como profesionais. No persoal, porque sempre quixen estudar Historia da Arte e ao implantarse este Grao na UNED, non o dubidei. Cambieime da licenciatura ao Grao de Historia da Arte e foi un auténtico acerto. E profesionais, porque nunca se sabe onde podes terminar a túa vida laboral.
A idea de facer Historia da Arte pareceume moi atractiva. Desde pequena, os meus pais, inculcáronme a paixón pola cultura, pero sobre todo pola Arte. Ter unha nai que é profesora de Ciencias Sociais quizais, axudou un pouco a inclinar a miña balanza hacia esta carreira, aínda que tamén tiña outras carreiras en mente".
Como describirías o proceso nestes anos de estudo? Sentes que como estudante tiveches unha evolución na túa forma e tempo de traballo e de estudo desde os inicios?
"O meu proceso como estudante foi cambiando ao longo de todos estes anos. Ao principio, recordo que cando me matriculaba, facíao de moitas materias. Cos anos e a experiencia vas aprendendo que é mellor coller poucas e ben seleccionadas, a moitas. Logo tes que estar a estudar durante moito tempo e non hai intres de descanso.
Ao principio, tamén recordo que estudaba soa, apenas coñecía a ninguén. Pero unha vez que vas a clase, e te apuntas a conferencias, a actividades, xa vas coñecendo a xente, vas formando o teu grupo. Acabas estudando materias en común, e quedando entre semana para preparalas. No meu grupo de estudo reuniámonos na cafetería ou nalgunha aula baleira.
Logo comezaron as clases online, cada vez máis frecuentes. Coincides con moitos compañeiros e compañeiras de toda España e doutros lugares do mundo nas diferentes materias. De novo terminas formando un grupo de estudo.
Pasando de estudar de formar presencial e conxunta, a estudar de forma online, co apoio das redes sociais, de skype, do correo electrónico. Todo iso cos meus alfitos -en referencia á plataforma ALF-.
Moitos xa acabamos, a outros lles falta pouco, pero sempre estamos aí para axudarnos.
A soidade que percibía ao principio o alumno da UNED, creo que se pode dicir que xa non existe. Por este motivo a miña época de estudante tivo varias fases: a soidade do estudante novato, a presencialidade, ao asistir ás titorías no Centro Asociado e a outras actividades, e a vida académica online.
É por isto que considero que houbo unha evolución desde que empecei a estudar na UNED ata agora, os cursos virtuais non eran o que son agora e os medios tecnolóxicos han cambiado moito desde entón".
Na túa opinión e no plano profesional, que che vai achegar esta titulación a curto e medio prazo?
"Agora mesmo non o podo dicir con certeza. Coa titulación puiden realizar unhas prácticas extracurriculares. Puiden impartir un par de conferencias sobre o meu Traballo Fin de Grao (TFG), pero de aquí a que pasen un par de anos, aínda non o sei, xa se irá vendo.
Gustaríame seguir impartindo conferencias en diferentes áreas. Preparar tamén oposicións, e buscar un traballo".
Como viviu a túa contorna estes anos de estudo? Tiveches que sacrificar tempo, renuncias...?
"Renunciei a moitas cousas que ao principio ninguén podía entender, pero a medida que avanzaban os anos de estudo na UNED, han visto que conseguín a miña meta, acabar esta carreira, pola que levaba tanto tempo loitando e detrás dela.
Tiven o apoio de moita xente, sobre todo en momentos nos que tiñas ganas de tiralo todo pola borda e non seguir estudando. Sacrifiquei tempo, persoal, familiar, por dedicar horas de estudo ás diferentes materias.
Pero tamén gañei moito: á miña parella, á que coñecín na UNED, aos meus amigos e amigas alfitos, a delegados e ex- delegados e iso é algo que tamén lle debo a esta Universidade.
Un pequeno xogo: tres adxectivos positivos e tres negativos do teu paso por esta universidade.
"Positivos: constante, optimista, e vontade. Negativos: perfección, impaciente e inxenuo".
Anímaste a seguir estudando?
"Si, claro que me animo a seguir estudando. Acábome de matricular no Grao de Xeografía e Historia pola UNED, e a miña intención é, como xa finalicei Historia da Arte, facer o curso que vén o Máster de investigación para logo doctorarme. Tamén me gustaría facer outra carreira, por exemplo , Antropoloxía, pero sen dúbida, se houbese Xornalismo ó Maxisterio, seguramente me metería de cabeza".
Elia quixo completar a entrevista con estas palabras:
"Puiden estudar na UNED grazas ao apoio que recibín dos meus pais, da miña familia e do resto da xente da miña contorna. Tardei, si, pero mereceu moito a pena porque ao final conseguiuse.
A UNED evolucionou moito desde que eu empecei a estudar , recordo cando apenas existían os cursos virtuais, bo ... empezaban, pero non eran o que son agora. As clases online nin se coñecían. Agora hai clases presenciais e virtuais.
É certo que hai moitas cousas poderíanse mellorar.
O balance que podo facer da UNED foi moi positivo, aínda que, hei de recoñecelo, ao principio existía a palabra distancia, pero aos poucos esa distancia existente foise facendo cada vez moito máis pequena. Estudar na UNED non é o mesmo que estudar na presencial, cambia a metodoloxía e a forma de estudar, pero á fin e ao cabo, estás a estudar ben porque apetéceche, ou ben porque o necesitas. E a min gustaríame seguir aprendendo".
------------------------~()~-----------------------
Síguenos en: