Carlos Villar Arévalo, licenciado en Dereito, especialista en Dereito de Estranxeiría e Migracións, será o encargado de impartir o curso "As leis de Estranxeiría en territorio Schengen: fluxos migratorios e cruzamento de fronteiras na Europa do Brexit" os días 09 e 10 de maio de 2019 na aula de Ferrol.
Neste curso impartiranse todos os coñecementos previos necesarios en relación co funcionamento dos fluxos migratorios e o cruzamento de fronteiras, aspectos básicos que o alumnado debe coñecer antes de abordar en profundidade o sistema xurídico español de Estranxeiría. Preténdese aproximar ao alumnado cara a unha maior comprensión da situación actual das persoas migrantes, dar a coñecer a dinámica de funcionamento dos fluxos e políticas migratorias, abordar os aspectos básicos relacionados co cruzamento de fronteiras e Estranxeiría, como o coñecemento do territorio Schengen e as súas características, especialmente no contexto europeo actual no que o Brexit expón posibles modificacións.
Este curso é de especial interese o alumnado dos graos e másteres en Dereito, Criminoloxía, Socioloxía, Traballo Social e Psicoloxía; pero tamén para o persoal das forzas e corpos de seguridade (Policía Nacional, Garda Civil, Policía Local, Policías Autonómicas e Policía Portuaria), así como para calquera persoa relacionada co ámbito da estranxeiría e público en xeral.
O curso consta de 25 horas lectivas, pode seguirse tanto de maneira presencial como online (a través da través de streaming directo e en diferido). Solicitouse a homologación da Academia Galega de Seguridade Pública (AGASP) e está recoñecido con 1 crédito ECTS.
Carlos Villar Arévalo é licenciado en Dereito, especialista en Dereito de Estranxeiría e Migracións, Inmigración Corporativa, Dereito Laboral e Dereito Administrativo. Letrado exercente do Ilustre Colexio de Avogados da Coruña, Asesor xurídico da ONGd Ecos do Sur e ONG Mestura con experiencia profesional de máis de 14 anos e máis de 6.000 accións en procesos migratorios e intervención en estranxeiría e Vogal da Xunta Directiva de EAPN en representación da ONGd Ecos do Sur. Como docente, impartiu Cursos de Dereito de Estranxeiría aplicados ao ámbito social en varios concellos e nos cinco Centros Penais de Galicia, así como Cursos de intervención con Estranxeiros e Migracións para a Secretaría Xeral de Emigración da Xunta de Galicia, a Escola Universitaria de Traballo Social de Santiago de Compostela e o Colexio Oficial de Galicia de Traballadoras Sociais, FESS e a UNED.
Podes matricularte na actividade aquí.
Máis información no servizo de Secretaría da aula Universitaria de Ferrol (rúa María, 52-54, 15402 Ferrol), no teléfono 981 36 40 26 ou no correo electrónico info@ferrol.uned.es.
-------------------------{}------------------------
Síguenos en: