"Mediación no ámbito educativo"
Os días 3 e 10 de marzo nas modalidades en liña e presencial.
A mediación, como ferramenta para resolver conflitos entre persoas coa axuda dun terceiro -o mediador/a-, está a gañar un protagonismo relevante nos seus distintos ámbitos de aplicación. Na contorna educativa este procedemento adquire -se cabe- maior valor ao tratarse dun recurso menos invasivo fronte a outros sistemas de solución de conflitos dentro da aula. O diálogo e escoita entre as partes -alumno, profesor, director ou pai e nai- así como o seu carácter voluntario, contribúen á boa marcha do procedmiento e convida á procura de solucións.
Os próximos 3 e 10 de marzo, en sesións de tarde, a sede da UNED coruñesa programa o curso "Mediación no ámbito educativo" Actividade que se desenvolverá nas modalidades en liña e presencial e pola que se concederá 1 crédito ECTS e 2 créditos de libre configuración.
Inmaculada García Presas, profesora de Dereito Civil na Universidade da Coruña e profesora titora do Centro UNED A Coruña, será a directora do curso. A docencia correrá a cargo de Rosa Sánchez González-Dans, avogada e Máster en Mediación, á fronte destes cursos desde o inicio da súa programación no Centro Asociado.
Esta formación é especialmente útil para aprender a resolver este tipo de conflitos nos centros educativos dunha maneira eficaz e pacífica, xerando un bo clima de convivencia e potenciando as habilidades persoais e sociais dos alumnos. De interese a estudantes do ámbito social; psicólogos, traballadores sociais e educadores, ou ben a aqueles profesionais que traballan con menores e familias.
----------------------------{}---------------------------
Síguenos en:
