Aula de Ferrol
Los días 19 y 20 de enero el aula ferrolana de la UNED, acogerá el curso "Reforma del Código Penal: Menores".
A aula da UNED A Coruña en Ferrol, acollerá durante as tardes do 19 e 20 de xaneiro de 2017, o curso "Reforma do Código penal: Menores", actividade que se desenvolverá en dúas modalidades: online e presencial.
Transmitir formación actualizada ao redor da utilización das ferramentas necesarias para abordar o tratamento penal, por unha banda, e o tratamento asistencial dos menores, así como facilitar a adquisición de coñecementos necesarios para a compresión dunha problemática estrutural desde a profundización e desde a comprensión dos mecanismos e das pautas para seguir na abordaxe da situación dos menores de idade na sociedade actual, son algúns dos obxectivos iniciais deste curso.
O programa previsto tratará as claves da citada reforma, a protección xurídica do menor, as medidas xudiciais de protección e seguridade dos menores, así como os protocolos de actuación.
Este curso exponse como unha actividade formativa práctica, coa intención de abordar dunha maneira clara, sinxela e útil, a tutela xudicial dos menores, a súa protección xurídica, o estudo dos actos procesuais xudiciais de investigación penal tendentes á investigación da forma e das circunstancias de acaecimiento dos feitos, das persoas implicadas e do procedemento para seguir.
A responsable de impartir o curso será Ana Rodríguez Piorno, licenciada en Dereito pola Universidade de Santiago de Compostela e dedicada á función jurisdicional, sen interrupción algunha, desde o ano 2000. Actividade dirixida por Ramón Rodríguez Montero, profesor titular da Universidade da Coruña e profesor titor na UNED A Coruña, e coordinada por Carmen de Labra Pinedo, doutora en Psicoloxía, coordinadora de Extensión Universitaria e profesora titora neste Centro Asociado.
----------------------------{}---------------------------
Síguenos en:
