Informes e xeneralidades

Informe UNED Senior Rianxo

Que é o programa UNED Sénior?

Trátase dun programa formativo dirixido a persoas de máis de 55 anos que inclúe temas de actualidade e estratexias de desenvolvemento persoal.

Obxectivos

Ofrecer formación en temáticas que interesan ás persoas de máis de 55 anos, co fin de mellorar a súa calidade de vida.
Proporcionar coñecementos, aprendizaxes e estratexias para o desenvolvemento integral e a autonomía persoal.
Favorecer a comunicación a través das relacións interpersoais e do encontro interxeracional.
Proporcionar todos aqueles elementos necesarios para un mellor coñecemento do ámbito cultural.

Que che pode aportar?

Un espazo universitario propio.
Un lugar de encontro onde intercambiar coñecementos e experiencias.
Un itinerario flexible, adaptado ás necesidades de cada estudante.
Unha orientación personalizada.
Formación próxima ao seu lugar de residencia.
Acceso ás tecnoloxías da información e comunicación.

Quen pode participar?

A UNED Sénior diríxese ás persoas maiores de 55 anos, con independencia da formación académica que posúan, interesadas en enriquecer os seus coñecementos.