Control interno

Toda organización ou institución necesita, para levar a cabo unha axeitada xestión e alcanzar os seus obxectivos estratéxicos, controlar os recursos de que dispón.

Para iso, o Centro Asociado UNED-A Coruña sérvese dunha serie de indicadores que lle permiten realizar un seguimento e control da xestión económica. Os devanditos indicadores, cuxos obxectivos son xestionados con periodicidade anual, reflicten o estado da situación económica de distintos aspectos que a Dirección considera especialmente relevantes e permiten, tras a súa continua análise, tomar decisións ao respecto.

Algúns dos principais indicadores utilizados son os seguintes:

• Indicador 1: % de créditos executados sobre o total de créditos presupostados.
• Indicador 2: % gastos de investimento sobre total de gastos.
• Indicador 3: % ingresos propios sobre o total de ingresos.
• Indicador 4: % transferencias e subvencións UNED sobre total de ingresos.

Por outra banda, antes da súa elevación á Xunta Reitora para a súa aprobación definitiva, tanto o orzamento anual como a liquidación orzamentaria e os demais documentos económicos e contables son sometidos ao estudo e aprobación do Consello de Centro.