Premios Consello Social
José Carlos Varela, alumno do noso Centro, obtén por segundo ano consecutivo, o premio "Curso Académico".
O Consello Social da UNED fixo público, a listaxe definitiva de alumnos premiados polos seus bos resultados académicos obtidos durante o último curso, 2013/2014. As categorías ás que se podía optar eran aos premios "Curso Académico", e premios "Fin de Carreira".
Esta edición, e por segundo ano consecutivo, un alumno do Centro Asociado UNED A Coruña, José Carlos Varela Peña, fíxose cun dos recoñecementos. Nesta ocasión leva o premio "Curso Académico" na sección de Enxeñería e Arquitectura, a edición pasada o recoñecemento, dentro da mesma categoría, obtívoo na sección de Ciencias Económicas e Empresariais.
José Carlos Varela é avogado en activo e profesor no CEUX, Centro de Estudos orientado á Economía, Enxeñería e á Arquitectura, situado na cidade da Coruña.
É licenciado en Economía (UNED, ano 2005), licenciado en Ciencias Físicas (UNED, ano 2006), obtivo o DEA no ano 2009, licenciado en Dereito (UNED, ano 2012), licenciado en Administración e Dirección de Empresas (UNED, ano 2013) e Graduado en Matemáticas (UNED, ano 2015). Simultaneó estes estudos co Máster de Mercados Bolsistas e Derivados Financeiros e co Máster para o Acceso á Avogacía, impartidos na UNED.
Actualmente atópase realizando o Grao en Tecnoloxías Industriais (UNED) e o doutoramento en Economía dentro do Programa DEcIDE, no que cooperan a Universidade de Murcia, a UNED, a Universidade de Alacante, a Universidade Miguel Hernández e a Universidade Politécnica de Cartaxena.
Entrevista realizada a José Carlos o pasado mes de abril.
Os premios do Consello Social da UNED, están pensados para recompensar a excelencia académica dos estudantes, con especial atención ao esforzo realizado.
Premios del Consejo Social UNED.
------------------------~()~-----------------------
Síguenos en:
