Esta semana celebráronse, na sede da UNED na Coruña, dúas das accións formativas programas para os profesores titores do Centro Asociado.
Tratábase, en concreto, de dúas sesións recibidas a través de videoconferencia desde o Centro Asociado de Ponferrada, durante as tardes do 27 e 28 de setembro e onde se profundou no uso eficaz da ferramenta AVIP, desde o plano docente.
Estas actividades formativas, programadas desde a coordinación académica do Centro Asociado para titores, e que se suman á xornada de actualización das ferramentas TIC, celebrada o pasado 26 de setembro, corresponden á proposta formativa incluída no Plan Académico Docente para o curso 2016-2017, aprobado pola Xunta Reitora do Centro Asociado UNED A Coruña, na súa reunión do pasado 27 de xullo.
Nesta liña programática de accións formativas e informativas a comunidade docente, está prevista unha xornada de presentación para a primeira semana de outubro, na que o director do Centro e coordinador tecnolóxico, Germán Carro Fernández, e a secretaria xeral e coordinadora académica, Ana Mónica Novo García, entregarán os encargos tutoriales e outros documentos anexos vinculados ao Consello de Centro e Xunta Reitora de Padroado, relativos a este curso académico.
Imaxes: Sesións de formación ferramenta AVIP, UNED Ponferrada, recibidas a través de videoconferencia na UNED A Coruña.
Fonte: Centro Asociado UNED A Coruña