A Aula de Ferrol acollerá os días 27 e 28 de outubro, en xornada de tarde, o curso "O Dereito Penal fronte ao acoso". Esta formación diríxese, principalmente, a membros de corpos e forzas de seguridade, así como a calquera profesional do Dereito que interveña no proceso penal (avogados, procuradores, etc.) e a alumnos do Grao ou Máster en Dereito. Igualmente é apropiado para calquera persoa interesada neste fenómeno criminal.
Esta actividade proporcionará ao alumno coñecementos teóricos para o mellor desempeño da súa función de prevención e represión da delincuencia, asistencia ás victimas e auxilio aos Xulgados e Tribunais en orde a unha máis eficaz instrución e axuizamento dos delitos. En relación cos operadores xurídicos, unha mellor defensa dos intereses dos implicados nun procedemento penal.
O curso impártese nas modalidades presencial e streaming e está recoñecido con 1 crédito ECTS e 2 créditos de libre configuración.
O responsable da docencia será o maxistrado e profesor titor do Centro Asociado, Carlos Suárez-Mira Rodríguez.
O programa previsto abordará o acoso como un atentado á liberdade: o novo delito de acoso; igualmente como un atentado á integridade moral;á liberdade e indemnidad sexual e tratará as medidas cautelares durante a instrución.
----------------------------{}---------------------------
Síguenos en: