Curso de Verán 2017
Un adianto do curso que se celebrará no Centro de Teixeiro durante o mes de xuño.
O director da UNED A Coruña, Germán Carro Fernández, reuniuse esta semana con responsables do Centro Penal de Teixeiro para traballar no curso de verán que se celebrará os días 21, 22 e 23 de xuño nas instalacións penais. Juan Luíña e Jaime Cardalda, coordinadores da área de Formación nesa institución, desprazáronse ao Centro Asociado para ultimar todos os detalles relativos ao curso titulado "Sociedade e Cinema".
Á fronte desta actividade formativa estará, en calidade de director, Fernando Reviriego Picón, profesor titular de Dereito Constitucional e secretario do Departamento de Dereito Político da Universidade Nacional de Educación a Distancia, acompañado por Germán Carro na coordinación do curso.
É habitual a estreita colaboración entre o Centro Asociado e o Centro Penitencario de Teixeiro nos últimos anos; axudar a incrementar o nivel formativo e cultural da poboación recluída e estimular o acceso aos estudos universitarios, son algúns obxectivos que marcan as liñas de traballo das dúas intituciones.
Nas próximas semanas publicarase máis información desta actividade.
Accede a información del Curso de Verano celebrado en Teixeiro durante el mes de julio de 2016.
---------------------------------------{}-------------------------------------
Síguenos en:
