O Centro Asociado UNED A Coruña, a través da Aula de Ferrol, programa o curso "Criminalidade sexual contra menores" para os días 23 e 24 de febreiro. Mantense desta forma activa durante este curso académico, a liña formativa centrada na área de Dereito iniciada e promovida desde hai algúns anos na extensión ferrolá.
Os obxectivos iniciais desta actividade céntranse en proporcionar ao alumno coñecementos teóricos necesarios ao redor da criminalidade, neste caso concreto, poñendo o foco na sexualidade contra o menor; prevención e represión da delincuencia; asistencia ás vítimas e auxilio aos Xulgados e Tribunais; mellor defensa dos intereses xurídicos dos implicados nun procedemento penal -xa sexa desde o punto de vista do investigado como da vítima.- en orde a unha eficaz instrución e axuizamento dos delitos.
Atópase en tramite a homologación por parte da Academia Galega de Seguridade Pública (AGASP), organismo dependente da Vicepresidencia e Consellería de Presidencia, Administracións Públicas e Xustiza, da Xunta de Galicia. Esta homologación -e a súa vinculación administrativa- é de especial interese a membros integrantes de Forzas e Corpos de Seguridade; Policía Nacional, Garda Civil, Policía Autonómica e Policía Local.
O curso, para o que está prevista a concesión dun crédito ECTS e dous créditos de libre configuración, desenvolverase ao longo de 25 horas lectivas nas modalidades en liña e presencial.
O maxistrado Carlos Suárez-Mira Rodríguez; profesor titor do Centro Asociado coruñés, é o responsable da dirección do curso e a súa carga docente durante as dúas xornadas de duración.
----------------------------{}---------------------------
Síguenos en: