O pasado venres finalizou a campaña solidaria levada a cabo polo Banco de Alimentos Rías Altas da Coruña no hall do Centro Asociado da Coruña durante todo o mes de novembro. O resultado foi un total de 54,9 kg/ l de alimentos non perecedoiros doados por estudantes, profesorado e persoal do Centro e das institucións coas que compartimos instalacións.
Queremos agradecer ao Banco de Alimentos Rías Altas da Coruña o contar connosco para formar parte desta campaña, sumándonos á rede solidaria de centros educativos da cidade e permitíndonos achegar o noso pequeno gran de area á Gran Recollida 2018 que beneficiará a máis de 16.000 persoas nestas datas.
Pero, sobre todo, estamos orgullosos/as do compromiso demostrado por toda a comunidade que conforma a UNED da Coruña e da sensibilización manifestada. O noso máis sincero agradecemento!
Podes consultar a lista dos alimentos doados aquí.
Podes consultar o cartel da campaña aquí.
----------------------------{}---------------------------
Síguenos en: