A teoría de xogos é unha teoría matemática que trata de describir e predicir o comportamento dos axentes económicos de forma que interveñen as decisións dos demais: que se vai a facer tendo en conta o que farán os demais, e estes actuarán e decidirán pensando segundo crean que van ser nosas actuacións. Esta estratexia trasladouse ao ámbito empresarial, económico, de xestión, en Psicoloxía, e desde logo en política.
Un dos autores máis destacados no tema foi o matemático John Forbes Nash. Na súa teoría coñecida como O equilibrio de Nash é onde se basean moitas conclusións que se tomaron como referencia sobre a teoría de xogos aplicada á vida real, e por este motivo foi galardoado co Premio Nobel no ano 1994.
Destas e outras cuestións falará o vindeiro xoves 1 de decembro, José Carlos Varela Peña, na sede a UNED na Coruña, a partir das 18:00 horas, durante charla "Teoría de Xogos en todas partes e en todos os tempos".
Varela Pena foi dúas veces consecutivas galardoado nos Premios do Consello Social da UNED, na modalidade "Curso Académico" e conta con formación multidisciplinar nos ámbitos da Economía, Ciencias Físicas, Dereito, Administración e Dirección de Empresas ou Matemáticas, entre outras carreiras universitarias finalizadas nesta Universidade.
Entre os obxectivos da conferencia está mostrar a relación desta rama das matemáticas coa vida cotiá, buscando as conexións que a unen coa Historia, a Economía, a Psicoloxía, o Dereito ou a Enxeñería.
Esta actividade está organizada pola Delegación de Alumnos do Centro Asociado e é de acceso libre.
----------------------------{}---------------------------
Síguenos en: