Plan de Acollida ao Alumno UNED A Coruña
Celebración da Xornada de presentación da Delegación de alumnos.
A semana próxima celebrarase, na sede da UNED coruñesa, a habitual xornada informativa que a Delegación de alumnos do Centro Asociado, programada en cada Plan de Acollida anual. Será o o xoves 6 de outubro, a partir das 16:00 horas durante unha sesión que poderá seguirse de forma presencial ou por streaming.
A xornada exponse como unha acción informativa onde todos membros da Delegación de alumnos expoñerán aos alumnos matriculados por primeira vez ou nos primeiros cursos, o funcionamento desta organización de alumnos, a súa estrutura; seccións con representación e as actividades habituais de traballo. Como en edicións anteriores, está prevista unha exposición dos temas de máis interese para o estudante do Centro Asociado na Coruña, formulación de propostas; planificación de actividades para o curso que acaba de comezar.
Dentro dese programa temático falarase da nova edición de revista Faro do Saber, como unha ferramenta de comunicación entre toda a comunidade universitaria.
A presentación e benvida desta xornada estará a cargo de Eduardo García Lodeiro, delegado de Centro UNED A Coruña e delegado de sección de Enxeñería Industrial, Jonathan Lema Touriñán, subdelegado de Centro e delegado Sección de Ciencias Económicas e Empresariais, Ana Alvarez Veira delegada de Sección de Xeografía e Historia, Mariña Calvo Durán, delegada de Sección de Dereito, e José Manuel Rodríguez Patiño, delegado da Sección de Ciencias.
Imaxe: Delegación de alumnos UNED A Coruña
Fonte: Centro Asociado UNED A Coruña
----------------------------{}---------------------------
Síguenos en:
